Este ano o programa diríxese a todo o persoal ao servizo das diferentes administracións da Comunidade Autónoma, ofrece un amplo abano de cursos relativos a diferentes áreas formativas que facilitan a capacitación para o desenvolvemento eficiente de calquera posto de traballo.

En liña coa decidida aposta da Escola Galega de Administración Pública (EGAP) de pór en marcha novas modalidades de formación e metodoloxías de ensino, esta convocatoria supón a consolidación do Programa de autoformación iniciado no ano 2013 e que, verificada a súa ampla aceptación entre as persoas destinatarias, renova os seus contidos formativos para incluír novos temas de interese.

A autoformación oriéntase cara a adquisición de coñecementos e habilidades de xeito autónomo, asumindo a persoa participante un papel activo no proceso de aprendizaxe, a través do emprego das tecnoloxías da información e da comunicación, ao mesmo tempo que se lle ofrece a posibilidade de acreditar a súa competencia mediante unha proba voluntaria, que lle dá dereito a obter un certificado de equivalencia.

Esta modalidade permite achegar as actividades da escola a un maior número de empregados/as públicos/as, especialmente a aqueles/as que por barreiras xeográficas ou razóns de conciliación non poden optar á modalidade presencial.

O que se procura é a maior independencia do alumnado para elaborar o seu propio plan de aprendizaxe, sen o condicionamento dos prazos. Ademais, no actual escenario orzamentario é particularmente interesante organizar actividades formativas que, comparadas coas tradicionais, resultan economicamente vantaxosas e de amplo alcance.

Por todo isto, e en execución do Plan de formación 2017 da EGAP, convócase o Programa de autoformación cuxas bases se detallan nos anexos desta resolución.

O persoal ao servizo das diferentes administracións da Comunidade Autónoma de Galicia que desexe participar no Programa de autoformación dispón de dúas opcións, compatibles entre elas pero independentes unha da outra. Por unha banda, pode acceder aos contidos das actividades sen máis trámite que o de inscribirse na zona de matrícula da EGAP, tal e como se prevé no anexo I. Por outra banda, pode solicitar presentarse ás probas de avaliación reguladas no anexo II. Polo tanto, o acceso aos contidos non implica a obriga de presentarse ás probas de avaliación, nin é tampouco un requisito para matricularse nelas. Porén, só as persoas que se matriculen nestas probas e que as superen teñen dereito ao certificado de equivalencia, que ten o mesmo valor que un de aproveitamento.

As probas de avaliación superadas nesta modalidade de formación valoraranse conforme establezan as bases dos concursos que convoque, no seu día, a Dirección Xeral da Función Pública. Na súa virtude,

RESOLVO:

Convocar os contidos e as probas de avaliación das actividades do Programa de autoformación que figuran nesta resolución, que deberán desenvolverse segundo as bases detalladas nos anexos I e II.

Santiago de Compostela, 30 de marzo de 2017

Sonia Rodríguez-Campos González
Directora da Escola Galega de Administración Pública

ANEXO I
Bases

Primeira. As actividades do Programa de autoformación: contidos

1. As actividades do Programa de autoformación son as seguintes:

Código	Actividade
Réxime xurídico e actividade financeira das administracións públicas
AF17001	Incompatibilidades dos empregados públicos de Galicia-contidos
AF17003	As subvencións. Regulación estatal e autonómica-contidos
AF17005	Lei xeral de dereitos das persoas con discapacidade e da súa inclusión social-contidos
AF17007	Subvencións e axudas económicas en tempos de crise-contidos
AF17009	O persoal laboral ao servizo da Xunta de Galicia: V Convenio colectivo único de persoal laboral-contidos
AF17011	Réxime disciplinario do empregado público de Galicia-contidos
AF17013	Xénero e igualdade nas administracións públicas. A súa evolución normativa-contidos
AF17015	Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público-contidos
AF17017	Lei 2/2015, do 29 de abril, do emprego público de Galicia-contidos
AF17019	A Administración electoral: o papel das administracións galegas-contidos
AF17021	Estatuto básico do empregado público-contidos
AF17023	A reforma parlamentaria. Os cambios legais e regulamentarios-contidos
AF17025	O impulso democrático en Galicia: medidas lexislativas-contidos
AF17027	Lei 16/2010, de organización e funcionamento da Administración xeral e do sector público autonómico de Galicia-contidos
AF17029	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-contidos
AF17031	Lei 40/2015, do 1 de outubro, de réxime xurídico do sector público-contidos
AF17033	Lei 39/2015, do 1 de outubro, do procedemento administrativo común das administracións públicas-contidos
Unión Europea: políticas públicas e procedementos comunitarios
AF17035	Cooperación transfronteiriza e cohesión-contidos
AF17037	Introdución á Unión Europea e ao seu dereito-contidos
AF17039	O recurso por incumprimento e a responsabilidade das comunidades autónomas-contidos
AF17041	O principio de subsidiariedade no dereito da Unión Europea, o seu control-contidos
AF17043	Introdución ao dereito da UE para os xestores públicos-contidos
Comunicación, organización do traballo e mellora das habilidades
AF17045	Cambio e motivación nas organizacións-contidos
AF17047	Técnicas para unha boa redacción dos documentos administrativos-contidos
AF17049	Linguaxe administrativa non sexista e imaxe igualitaria na práctica da xestión pública-contidos
AF17051	Básico en prevención de riscos laborais-contidos
AF17053	Prevención de riscos laborais en oficinas e despachos-contidos
Administración electrónica, protección de datos e calidade administrativa
AF17055	A calidade na Administración pública. Procesos e procedementos-contidos
AF17057	Iniciación á Administración electrónica. Seguranza da información e protección de datos-contidos
AF17059	Seguridade dixital a nivel de usuario-contidos
AF17061	Uso avanzado de aplicacións informáticas de follas de cálculo (LibreOffice Calc)-contidos
AF17063	Uso avanzado de aplicacións informáticas de tratamento de textos (LibreOffice Writer)-contidos
Plan formativo ofimático de Galicia
AF17065	Aplicacións informáticas de bases de datos relacionais (LibreOffice Base)-contidos
AF17067	Aplicacións informáticas de bases de datos relacionais (Microsoft Office 2010)-contidos
AF17069	Aplicacións informáticas de follas de cálculo (Microsoft Office 2010)-contidos
AF17071	Aplicacións informáticas de follas de cálculo (LibreOffice Calc)-contidos
AF17073	Aplicacións informáticas de tratamento de textos (Microsoft Office 2010)-contidos
AF17075	Aplicacións informáticas de tratamento de textos (LibreOffice Writer)-contidos
AF17077	Aplicacións informáticas para presentacións: gráficas de información (LibreOffice Impress)-contidos
AF17079	Aplicacións informáticas para presentacións: gráficas de información (Microsoft Office 2010)-contidos
AF17081	Sistema operativo, busca da información: internet/intranet e correo electrónico (GNU/Linux)-contidos
AF17083	Sistema operativo, busca da información: internet/intranet e correo electrónico (Windows)- Contidos

2. Cada unha das actividades está composta de contidos multimedia actualizados, material complementario e, dado que non existe a figura do titor, cuestionarios de corrección automática, que facilitan unha aprendizaxe autónoma máis efectiva.

Segunda. As actividades: acceso aos contidos

1. Todos os empregados públicos e as empregadas públicas destinados nas administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galicia e de administración e servizos (PAS) das tres universidades galegas que reúnan os requisitos establecidos nesta convocatoria e, concretamente, na base primeira do anexo II, poden acceder aos contidos das actividades do Programa de autoformación, sen pasar por un proceso de selección, inscribíndose na zona de matrícula da EGAP, no enderezo <http://egap.xunta.gal/matricula>.

2. A inscrición para o acceso aos contidos pode facerse en calquera momento a partir do día seguinte ao da publicación desta resolución no Diario Oficial de Galicia e ata o 30 de decembro de 2017.

3. Cada persoa determinará libremente o número de actividades en que queira inscribirse e mais o período durante o cal vai traballar na actividade ou actividades do Programa de autoformación elixidas. Os contidos van estar dispoñibles ata o 30 de decembro de 2017.

4. A EGAP adoptará as medidas necesarias para facilitar a inscrición. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 62 54 e 981 54 63 35 e do enderezo de correo electrónico <xestion.egap@xunta.gal>.

5. Unha vez inscrita, a persoa recibirá unha mensaxe de correo electrónico de confirmación e despois poderá acceder aos contidos da actividade ou actividades na aula virtual, no enderezo <http://egap.xunta.gal/aulavirtual>.

6. O acceso aos contidos das actividades do Programa de autoformación non implica a obriga de presentarse ás probas de avaliación reguladas no anexo II, nin é tampouco un requisito para matricularse nelas.

7. O acceso aos contidos das actividades do Programa de autoformación non dá dereito á expedición do certificado regulado na base oitava do anexo II.

ANEXO II
Bases

Primeira. As probas de avaliación das actividades do Programa de autoformación: participación

1. Poden participar nas probas de avaliación das actividades do Programa de autoformación os empregados públicos e as empregadas públicas, destinados nas administracións territoriais, institucionais e entes públicos instrumentais do sector público da Comunidade Autónoma, así como o persoal da Administración de xustiza de Galicia e de administración e servizos (PAS) das tres universidades galegas, que non se encontren en situación de servizos noutras administracións públicas diferentes das que sexan obxecto desta convocatoria, de excedencia voluntaria e suspensión de funcións, e reúnan os requisitos establecidos na presente convocatoria e para cada un dos casos no anexo II. Está exceptuado o persoal docente da Consellería de Educación e Ordenación Universitaria e o persoal do Servizo Galego de Saúde; non se entenden por tales os empregados públicos da escala de saúde pública e administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

2. Toda persoa solicitante que o día de realización da proba se atope en situación de baixa laboral por incapacidade temporal quedará automaticamente excluída da lista do persoal seleccionado.

Segunda. As probas de avaliación: prazas convocadas, horas certificadas, datas, lugar e horario

1. As probas de avaliación das actividades do Programa de autoformación que se convocan de acordo co previsto na seguinte táboa:

Código	Edición	Actividade	Prazas	Horas certificadas	Data da proba	Hora de inicio da primeira quenda
Réxime xurídico e actividade financeira das administracións públicas
AF17002	T01	Incompatibilidades dos empregados públicos de Galicia-proba de avaliación	100	18	12.7.2017	16.00 h
AF17002	T02	Incompatibilidades dos empregados públicos de Galicia-proba de avaliación	100	18	19.9.2017	9.00 h
AF17004	T01	As subvencións. Regulación estatal e autonómica-proba de avaliación	100	40	13.7.2017	11.00 h
AF17004	T02	As subvencións. Regulación estatal e autonómica-proba de avaliación	100	40	20.9.2017	18.00 h
AF17006	T01	Lei xeral de dereitos das persoas con discapacidade e da súa inclusión social-proba de avaliación	100	20	10.7.2017	9.00 h
AF17006	T02	Lei xeral de dereitos das persoas con discapacidade e da súa inclusión social-proba de avaliación	100	20	18.9.2017	16.00 h
AF17008	T01	Subvencións e axudas económicas en tempos de crise-proba de avaliación	100	18	10.7.2017	16.00 h
AF17008	T02	Subvencións e axudas económicas en tempos de crise-proba de avaliación	100	18	18.9.2017	9.00 h
AF17010	T01	O persoal laboral ao servizo da Xunta de Galicia: V Convenio colectivo único de persoal laboral-proba de avaliación	100	20	13.7.2017	16.00 h
AF17010	T02	O persoal laboral ao servizo da Xunta de Galicia: V Convenio colectivo único de persoal laboral-proba de avaliación	100	20	20.9.2017	9.00 h
AF17012	T01	Réxime disciplinario do empregado público de Galicia-proba de avaliación	100	15	13.7.2017	9.00 h
AF17012	T02	Réxime disciplinario do empregado público de Galicia-proba de avaliación	100	15	20.9.2017	16.00 h
AF17014	T01	Xénero e igualdade nas administracións públicas. A súa evolución normativa-proba de avaliación	100	25	10.7.2017	18.00 h
AF17014	T02	Xénero e igualdade nas administracións públicas. A súa evolución normativa-proba de avaliación	100	25	18.9.2017	11.00 h
AF17016	T01	Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público-proba de avaliación	100	25	13.7.2017	18.00 h
AF17016	T02	Real decreto lexislativo 5/2015, do 30 de outubro, polo que se aproba o texto refundido do Estatuto básico do empregado público-proba de avaliación	100	25	20.9.2017	11.00 h
AF17018	T01	Lei 2/2015, do 29 de abril, do emprego público de Galicia-proba de avaliación	100	20	12.7.2017	18.00 h
AF17018	T02	Lei 2/2015, do 29 de abril, do emprego público de Galicia-proba de avaliación	100	20	19.9.2017	11.00 h
AF17020	T01	A Administración electoral: o papel das administracións galegas-proba de avaliación	100	15	14.7.2017	9.00 h
AF17020	T02	A Administración electoral: o papel das administracións galegas-proba de avaliación	100	15	21.9.2017	16.00 h
AF17022	T01	Estatuto básico do empregado público-proba de avaliación	100	25	14.7.2017	11.00 h
AF17022	T02	Estatuto básico do empregado público-proba de avaliación	100	25	21.9.2017	18.00 h
AF17024	T01	A reforma parlamentaria. Os cambios legais e regulamentarios-proba de avaliación	100	15	14.7.2017	16.00 h
AF17024	T02	A reforma parlamentaria. Os cambios legais e regulamentarios-proba de avaliación	100	15	21.9.2017	9.00 h
AF17026	T01	O impulso democrático en Galicia: medidas lexislativas-proba de avaliación	100	15	27.6.2017	9.00 h
AF17026	T02	O impulso democrático en Galicia: medidas lexislativas-proba de avaliación	100	15	5.9.2017	16.00 h
AF17028	T01	Lei 16/2010, de organización e funcionamento da Administración xeral e do sector público autonómico de Galicia-proba de avaliación	100	20	27.6.2017	16.00 h
AF17028	T02	Lei 16/2010, de organización e funcionamento da Administración xeral e do sector público autonómico de Galicia-proba de avaliación	100	20	5.9.2017	9.00 h
AF17030	T01	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-proba de avaliación	100	20	28.6.2017	9.00 h
AF17030	T02	Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia-proba de avaliación	100	20	6.9.2017	16.00 h
AF17032	T01	Lei 40/2015, do 1 de outubro, de réxime xurídico do sector público-proba de avaliación	100	25	6.7.2017	18.00 h
AF17032	T02	Lei 40/2015, do 1 de outubro, de réxime xurídico do sector público-proba de avaliación	100	25	14.9.2017	11.00 h
AF17034	T01	Lei 39/2015, do 1 de outubro, do procedemento administrativo común das administracións públicas-proba de avaliación	100	25	23.6.2017	18.00 h
AF17034	T02	Lei 39/2015, do 1 de outubro, do procedemento administrativo común das administracións públicas-proba de avaliación	100	25	22.9.2017	11.00 h
Unión Europea: políticas públicas e procedementos comunitarios
AF17036	T01	Cooperación transfronteiriza e cohesión-proba de avaliación	100	24	28.6.2017	16.00 h
AF17036	T02	Cooperación transfronteiriza e cohesión-proba de avaliación	100	24	6.9.2017	9.00 h
AF17038	T01	Introdución á Unión Europea e ao seu dereito-proba de avaliación	100	24	12.7.2017	11.00 h
AF17038	T02	Introdución á Unión Europea e ao seu dereito-proba de avaliación	100	24	4.9.2017	16.00 h
AF17040	T01	O recurso por incumprimento e a responsabilidade das comunidades autónomas-proba de avaliación	100	20	6.7.2017	16.00 h
AF17040	T02	O recurso por incumprimento e a responsabilidade das comunidades autónomas-proba de avaliación	100	20	14.9.2017	9.00 h
AF17042	T01	O principio de subsidiariedade no dereito da Unión Europea, o seu control-proba de avaliación	100	15	23.6.2017	16.00 h
AF17042	T02	O principio de subsidiariedade no dereito da Unión Europea, o seu control-proba de avaliación	100	15	22.9.2017	9.00 h
AF17044	T01	Introdución ao dereito da UE para os xestores públicos-proba de avaliación	100	30	14.7.2017	18.00 h
AF17044	T02	Introdución ao dereito da UE para os xestores públicos-proba de avaliación	100	30	21.9.2017	11.00 h
Comunicación, organización do traballo e mellora das habilidades
AF17046	T01	Cambio e motivación nas organizacións-proba de avaliación	100	15	26.6.2017	11.00 h
AF17046	T02	Cambio e motivación nas organizacións-proba de avaliación	100	15	4.9.2017	18.00 h
AF17048	T01	Técnicas para unha boa redacción dos documentos administrativos-proba de avaliación	100	15	26.6.2017	16.00 h
AF17048	T02	Técnicas para unha boa redacción dos documentos administrativos-proba de avaliación	100	15	4.9.2017	9.00 h
AF17050	T01	Linguaxe administrativa non sexista e imaxe igualitaria na práctica da xestión pública-proba de avaliación	100	30	10.7.2017	11.00 h
AF17050	T02	Linguaxe administrativa non sexista e imaxe igualitaria na práctica da xestión pública-proba de avaliación	100	30	18.9.2017	18.00 h
AF17052	T01	Básico en prevención de riscos laborais-proba de avaliación	100	50	27.6.2017	11.00 h
AF17052	T02	Básico en prevención de riscos laborais-proba de avaliación	100	50	5.9.2017	18.00 h
AF17054	T01	Prevención de riscos laborais en oficinas e despachos-proba de avaliación	100	15	26.6.2017	18.00 h
AF17054	T02	Prevención de riscos laborais en oficinas e despachos-proba de avaliación	100	15	4.9.2017	11.00 h
Administración electrónica, protección de datos e calidade administrativa
AF17056	T01	A calidade na Administración pública. Procesos e procedementos-proba de avaliación	100	25	27.6.2017	18.00 h
AF17056	T02	A calidade na Administración pública. Procesos e procedementos-proba de avaliación	100	25	5.9.2017	11.00 h
AF17058	T01	Iniciación á Administración electrónica. Seguranza da información e protección de datos-proba de avaliación	100	20	28.6.2017	11.00 h
AF17058	T02	Iniciación á Administración electrónica. Seguranza da información e protección de datos-proba de avaliación	100	20	6.9.2017	18.00 h
AF17060	T01	Seguridade dixital a nivel de usuario-proba de avaliación	100	30	28.6.2017	18.00 h
AF17060	T02	Seguridade dixital a nivel de usuario-proba de avaliación	100	30	6.9.2017	11.00 h
AF17062	T01	Uso avanzado de aplicacións informáticas de follas de cálculo (LibreOffice Calc)-proba de avaliación	100	50	29.6.2017	16.00 h
AF17062	T02	Uso avanzado de aplicacións informáticas de follas de cálculo (LibreOffice Calc)-proba de avaliación	100	50	7.9.2017	9.00 h
AF17064	T01	Uso avanzado de aplicacións informáticas de tratamento de textos (LibreOffice Writer)-proba de avaliación	100	50	29.6.2017	9.00 h
AF17064	T02	Uso avanzado de aplicacións informáticas de tratamento de textos (LibreOffice Writer)-proba de avaliación	100	50	7.9.2017	16.00 h
Plan formativo ofimático de Galicia
AF17066	T01	Aplicacións informáticas de bases de datos relacionais (LibreOffice Base)-proba de avaliación	100	50	3.7.2017	9.00 h
AF17066	T02	Aplicacións informáticas de bases de datos relacionais (LibreOffice Base)-proba de avaliación	100	50	11.9.2017	16.00 h
AF17068	T01	Aplicacións informáticas de bases de datos relacionais (Microsoft Office 2010)-proba de avaliación	100	50	11.7.2017	16.00 h
AF17068	T02	Aplicacións informáticas de bases de datos relacionais (Microsoft Office 2010)-proba de avaliación	100	50	11.9.2017	9.00 h
AF17070	T01	Aplicacións informáticas de follas de cálculo (Microsoft Office 2010)-proba de avaliación	100	50	4.7.2017	16.00 h
AF17070	T02	Aplicacións informáticas de follas de cálculo (Microsoft Office 2010)-proba de avaliación	100	50	12.9.2017	9.00 h
AF17072	T01	Aplicacións informáticas de follas de cálculo (LibreOffice Calc)-proba de avaliación	100	50	4.7.2017	9.00 h
AF17072	T02	Aplicacións informáticas de follas de cálculo (LibreOffice Calc)-proba de avaliación	100	50	12.9.2017	16.00 h
AF17074	T01	Aplicacións informáticas de tratamento de textos (Microsoft Office 2010)-proba de avaliación	100	30	5.7.2017	16.00 h
AF17074	T02	Aplicacións informáticas de tratamento de textos (Microsoft Office 2010)-proba de avaliación	100	30	13.9.2017	9.00 h
AF17076	T01	Aplicacións informáticas de tratamento de textos (LibreOffice Writer)-proba de avaliación	100	30	5.7.2017	9.00 h
AF17076	T02	Aplicacións informáticas de tratamento de textos (LibreOffice Writer)-proba de avaliación	100	30	13.9.2017	16.00 h
AF17078	T01	Aplicacións informáticas para presentacións gráficas de información (LibreOffice Impress)-proba de avaliación	100	30	11.7.2017	9.00 h
AF17078	T02	Aplicacións informáticas para presentacións gráficas de información (LibreOffice Impress)-proba de avaliación	100	30	19.9.2017	16.00 h
AF17080	T01	Aplicacións informáticas para presentacións: gráficas de información (Microsoft Office 2010)-proba de avaliación	100	30	16.6.2017	16.00 h
AF17080	T02	Aplicacións informáticas para presentacións: gráficas de información (Microsoft office 2010)-proba de avaliación	100	30	8.9.2017	9.00 h
AF17082	T01	Sistema operativo, busca da información: internet/intranet e correo electrónico (GNU/Linux)-proba de avaliación	100	30	7.7.2017	9.00 h
AF17082	T02	Sistema operativo, busca da información: internet/intranet e correo electrónico (GNU/Linux)-proba de avaliación	100	30	14.9.2017	16.00 h
AF17084	T01	Sistema operativo, busca da información: internet/intranet e correo electrónico (Windows)-proba de avaliación	100	30	7.7.2017	16.00 h
AF17084	T02	Sistema operativo, busca da información: internet/intranet e correo electrónico (Windows)-proba de avaliación	100	30	15.9.2017	9.00 h

2. As probas de avaliación terán lugar nas dependencias da EGAP, en Santiago de Compostela (rúa Madrid, 2-4, As Fontiñas).

3. Na páxina web <http://egap.xunta.gal> actualizarase e ampliarase a información sobre as actividades do Programa de autoformación, incluíndo as quendas, se é o caso, e o horario de realización das probas de avaliación.

Terceira. As probas de avaliación: solicitudes de participación

1. O prazo de presentación de solicitudes será de 10 días naturais a partir do día seguinte ao da publicación desta resolución no Diario Oficial de Galicia.

2. As solicitudes de participación nas actividades formativas só poderán realizarse mediante o formulario de matrícula telemática dispoñible no enderezo <http://egap.xunta.gal/matricula>, desde as 8.00 horas da data de inicio do prazo de presentación de solicitudes e ata as 14.00 horas da data de finalización. As solicitudes entenderanse presentadas unha vez que se complete correctamente o proceso de matriculación.

3. As persoas que oculten ou falseen datos esenciais para a selección serán automaticamente excluídas das probas de avaliación das actividades do Programa de autoformación solicitadas e pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado desde que se detecte o feito.

4. Serán excluídas automaticamente aquelas solicitudes que non se axusten ao formulario de solicitude ou non teñan cubertos correctamente os datos precisos para a realización do proceso de selección.

5. As persoas solicitantes deben dispor dunha conta de correo electrónico cuxo enderezo teñen que indicar na solicitude.

6. A maiores, toda persoa interesada en recibir no seu teléfono móbil mensaxes de texto con información sobre o proceso de selección ten que facilitar o correspondente número.

7. As persoas que necesiten acreditar circunstancias específicas (discapacidade, permiso de maternidade, etc.) de acordo cos criterios de selección, deben remitirlle á EGAP a correspondente documentación complementaria, xunto cunha copia do formulario da matrícula, ao enderezo de correo electrónico <xestion.egap@xunta.gal>, sen prexuízo do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro). A devandita documentación debe enviarse por unha única das vías indicadas; no caso contrario, só serán considerados os datos achegados por correo electrónico. A documentación debe presentarse dentro do prazo sinalado no punto 1 desta base.

8. Cando nalgunha das probas de avaliación das actividades do Programa de autoformación non haxa un número suficiente de solicitantes que cumpran os requisitos, a EGAP poderá abrir un novo prazo de presentación de solicitudes na súa páxina web.

9. A EGAP adoptará as medidas necesarias para facilitar a presentación das solicitudes. As dúbidas, as dificultades técnicas e as peticións de información complementaria serán atendidas a través dos números de teléfono 981 54 62 57, 981 54 62 54 e 981 54 63 35 e do enderezo de correo electrónico <xestion.egap@xunta.gal>.

Cuarta. As probas de avaliación: criterios de selección

1. Con carácter xeral, a selección realizarase de acordo co previsto na Resolución do 4 de xaneiro de 2008 pola que se actualizan os criterios de participación nas actividades formativas da Escola Galega de Administración Pública (DOG núm. 7, do 10 de xaneiro).

2. Para os efectos do previsto no punto segundo da citada resolución, o baremo que se empregará para a selección establécese sobre unha base de 100 puntos, dos que 60 están vinculados ao número de horas de formación recibidas nos dous últimos anos e os 40 restantes á antigüidade na Administración.

3. Os empates desfaranse de acordo co resultado do sorteo a que se refire o artigo 9 do Regulamento de selección de persoal da Administración da Comunidade Autónoma de Galicia, aprobado polo Decreto 95/1991, do 20 de marzo (DOG núm. 58, do 25 de marzo). Para o ano 2017, segundo a Resolución da Consellería de Facenda do 20 de xaneiro de 2017 (DOG núm. 20, do 30 de xaneiro), comezarase pola letra K.

Quinta. As probas de avaliación: publicación da relación do persoal seleccionado

1. Para cada proba de avaliación das actividades do Programa de autoformación, a EGAP publicará no enderezo <http://egap.xunta.gal> unha relación na cal figurará o alumnado seleccionado para participar e mais o situado nos primeiros postos da listaxe de agarda. A información tamén se enviará por correo electrónico e, no caso das persoas que facilitasen o correspondente número, por telefonía móbil. Aquelas persoas que non figuren na relación estarán, ben situadas nun posto máis afastado na listaxe de agarda, ou ben excluídas en aplicación destas bases.

2. O prazo de presentación de alegacións é de cinco días naturais contados desde o día seguinte a devandita publicación.

3. Transcorrido o prazo de presentación de alegacións, a EGAP publicará no enderezo <http://egap.xunta.gal> a listaxe definitiva das persoas admitidas para participar nas probas de avaliación.

Sexta. As probas de avaliación: cambios ou substitucións na selección e renuncia

1. Os cambios ou as substitucións na selección:

En ningún caso serán admitidos cambios ou substitucións entre as persoas seleccionadas nin cambios na asignación de quendas das probas.

2. A renuncia:

a) A renuncia debe serlle comunicada por escrito á EGAP nun prazo de cinco días hábiles contados desde o día seguinte ao da publicación da listaxe definitiva das persoas seleccionadas. Na páxina web da EGAP está dispoñible un modelo de renuncia.

Para isto pódese utilizar, alén do previsto no artigo 16.4 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), o enderezo de correo electrónico <xestion.egap@xunta.gal>.

b) As persoas seleccionadas só poderán renunciar fóra de prazo á proba de avaliación da actividade do Programa de autoformación nos seguintes casos:

– Por causa de forza maior suficientemente acreditada.

– Por necesidades do servizo debidamente motivadas por parte dos responsables dos centros directivos.

– Por outras causas xustificadas documentalmente.

c) As persoas que incumpran o previsto nas alíneas a) e b) pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Sétima. As probas de avaliación: desenvolvemento

1. As probas de avaliación das actividades do Programa de autoformación teñen o seguinte formato:

Actividade do Programa de autoformación: horas	Proba de avaliación
	Preguntas tipo test: número	Tempo dispoñible: minutos	Tentativas	Respostas incorrectas: desconto	Superación: porcentaxe de respostas correctas
Actividades de ofimática De 30 a 50 horas	30	90	Unha	Non	70 %
De 25 a 50 horas	40	60
De 15 a 24 horas	30	45

Para superar as probas de avaliación, o alumnado deberá responder de forma correcta a un 70 % das preguntas da proba. As respostas incorrectas non descontarán acertos.

2. É obrigatoria a asistencia con puntualidade ás probas de avaliación. Levarase a cabo un único chamamento por orde alfabética.

3. As persoas participantes deben presentarse provistas do DNI ou doutro documento fidedigno acreditativo da súa identidade.

4. Para poder facer a proba de avaliación, cada participante debe lembrar o contrasinal que lle permite entrar na aula virtual, que coincide co que lle dá acceso á zona de matrícula.

5. Non se autoriza o uso de dispositivos electrónicos durante o desenvolvemento das probas de avaliación.

6. As persoas que se inscriban e non se presenten ás probas de avaliación pasarán ao final das listaxes de todas as actividades formativas que soliciten e cuxo prazo de matrícula comece dentro do ano seguinte contado a partir do día da finalización desta actividade.

Oitava. O certificado de equivalencia

1. As persoas que superen a proba de avaliación obterán o correspondente certificado de equivalencia.

2. Este certificado equivale a un de aproveitamento polas horas previstas na correspondente actividade do Programa de autoformación. Estas actividades formativas valoraranse conforme establezan as bases dos concursos que convoque, no seu día, a Dirección Xeral de Función Pública.

Novena. As facultades da EGAP

1. Correspóndelle á EGAP dispor canto sexa necesario para o cumprimento do previsto nesta convocatoria e para a resolución das incidencias que se produzan. Tendo en conta as circunstancias relativas á organización das probas de avaliación das actividades do Programa de autoformación, a EGAP pode modificar o desenvolvemento, os contidos e as datas das probas e mesmo suprimilas.

2. A EGAP pode suspender ou cancelar as probas de avaliación das actividades do Programa de autoformación en que o número de admitidos sexa inferior ao 50 % das prazas convocadas. As persoas afectadas disporán de todos os datos no enderezo <http://egap.xunta.gal>. A información tamén se enviará por correo electrónico e, no caso das persoas que facilitasen o correspondente número, por telefonía móbil.

3. A execución material de todo o previsto nesta resolución queda condicionada á existencia de crédito orzamentario adecuado e dispoñible e mais á correspondente autorización do gasto.

4. A EGAP garantirá na totalidade das actividades derivadas desta convocatoria a promoción da igualdade real e efectiva entre mulleres e homes, a eliminación de calquera tipo de discriminación e o fomento dos dereitos de conciliación.