DOG 123 do 1/07/2014 - ORDE do 2 de xuño de 2014 pola que se revisa a relación de actividades artesás recollidas no anexo IV do Decreto 218/2001, do 7 de setembro, polo que se refunde a normativa vixente en materia de artesanía (Diario Oficial de Galicia número 185, do 24 de setembro).

I. Disposicións xerais

Consellería de Economía e Industria

ORDE do 2 de xuño de 2014 pola que se revisa a relación de actividades artesás recollidas no anexo IV do Decreto 218/2001, do 7 de setembro, polo que se refunde a normativa vixente en materia de artesanía (Diario Oficial de Galicia número 185, do 24 de setembro).

De acordo co disposto no artigo 30 do Decreto 218/2001, do 7 de setembro, polo que se refunde a normativa vixente en materia de artesanía (DOG nº 185, do 24 de setembro), recoñécense oficialmente como actividades artesás os traballos e actividades que figuran no anexo IV do referido decreto, para os efectos da súa inclusión na sección de actividades artesás do Rexistro Xeral de Artesanía de Galicia.

O artigo 31 do mesmo texto legal sinala que a relación de actividades artesás poderá ser obxecto de Revisión periódica pola Comisión Galega de Artesanía, de oficio ou por instancia de parte interesada. A Revisión levarase a cabo mediante orde da consellería competente en materia de artesanía por proposta do citado órgano colexiado.

Logo da solicitude por instancia da parte interesada da inclusión na sección de actividades artesás do Rexistro Xeral de Artesanía de Galicia da actividade de complementos de moda, o Pleno da Comisión Galega de Artesanía, na súa reunión do 1 de xullo de 2010, acordou que esta actividade tiña particularidades propias que a diferenciaban notablemente dos oficios artesanais recollidos no anexo IV do Decreto 218/2001, do 7 de setembro, e propuxo, por unanimidade dos seus membros, a inclusión da dita actividade na sección de actividades artesás do referido Rexistro Xeral de Artesanía de Galicia.

Con base no anterior e de acordo co disposto no artigo 31 do Decreto 218/2001, do 7 de setembro,

DISPOÑO:

Primeiro. A inclusión da actividade de complementos de moda na relación de actividades artesás recollida no anexo IV do Decreto 218/2001, do 7 de setembro, conforme o disposto no anexo desta orde.

Segundo. Actualizar o dito anexo IV do Decreto 218/2001, do 7 de setembro, conforme o disposto no anexo desta orde.

Santiago de Compostela, 2 de xuño de 2014

Francisco Conde López
Conselleiro de Economía e Industria

ANEXO
Relación de actividades artesanais agrupadas segundo a Clasificación nacional
de actividades económicas (clasificación segundo o Real decreto 475/2007,
do 13 de abril. CNAE-09) e o disposto no artigo 4 da Lei 1/1992, do 11 de marzo,
de artesanía de Galicia

División 13. Industria, téxtil.

Núm. de orde	Denominación	Código CNAE-09	Código NACE-Rev.-2	A	B	C	D
1	Tecidos, tecedor(a) (alto e baixo lizo, alfombras, tapices)	13.1/2/3/9	13.1/2/3/9	Si	Si	Si
2	Centón (retallos)	13.2/3	13.2/3	Si	Si	Si
3	Decoración de teas, decorador(a) de teas	13.3	13.3		Si	Si
4	Encaixes, encaixeiro(a), palilleiro(a), picador(a) de cartóns	13.1/2/3/9	13.1/2/3/9	Si	Si	Si
5	Calceta, calceteiro(a), gancho, gancheiro(a)	13.9	13.9		Si	Si
6	Bordados, bordador(a)	13.9	13.9	Si	Si	Si
7	Produtor(a) e reparador(a) de redes, redeiro(a)	13.9	13.9	Si			Si

División 14. Confección de prendas de vestir.

Núm. de orde	Denominación	Código CNAE-09	Código NACE-Rev.-2	A	B	C	D
8	Xastre(a)	14.1	14.1	Si
9	Modisto(a)	14.1	14.1	Si
10	Traxes tradicionais populares, produtor(a) de..	14.1	14.1	Si	Si
11	Peletaría, peleteiro(a)	14.2	14.2	Si

División 15. Industria do coiro e do calzado.

Núm. de orde	Denominación	Código CNAE-09	Código NACE-Rev.-2	A	B	C	D
12	Curtidos, curtidor(a)	15.1	15.1	Si			Si
13	Albardaría e talabartaría, albardeiro(a), ou talabarteiro(a)	15.1	15.1	Si		Si
14	Repuxado e decorado de coiro, repuxador(a) e..	15.1	15.1		Si	Si
15	Marroquinaría, marroquineiro(a)	15.1	15.1			Si
16	Zoqueiro(a), produtor(a) de zocos	15.2	15.2	Si	Si	Si	Si
17	Zoqueiro(a), produtor(a) de zocas	15.2	15.2	Si	Si	Si	Si
18	Zapataría, zapateiro(a)	15.2	15.2			Si	Si

División 16. Industria da madeira e da cortiza, agás mobles; cestaría e espartaría.

Núm. de orde	Denominación	Código CNAE-09	Código NACE-Rev.-2	A	B	C	D
19	Tornaría, torneiro(a) de madeira	16.1	16.1	Si	Si	Si
20	Carpintaría, carpinteiro(a)	16.2	16.2	Si		Si	Si
21	Tonelaría, toneleiro(a), selleiro	16.2	16.2	Si		Si
22	Talla, tallista	16.2	16.2	Si	Si	Si
23	Marquetaría, marqueteiro(a)	16.2	16.2		Si		Si
24	Imaxinaría, imaxineiro(a)	16.2	16.2	Si	Si	Si	Si
25	Cestaría, cesteiro(a)	16.2	16.2		Si		Si
26	Labores de palla, produtor(a) de labores de palla	16.2	16.2		Si		Si

División 17. Industria do papel.

Núm. de orde	Denominación	Código CNAE-09	Código NACE-Rev.-2	A	B	C	D
27	Papel, produtor(a) de papel	17.1	17.1	Si
28	Manipulados de papel e cartón, manipulador(a) de papel e cartón (produción de obxectos con estes materiais)	17.2	17.2	Si	Si	Si

División 18. Artes gráficas e servizos relacionados con elas.

Núm. de orde	Denominación	Código CNAE-09	Código NACE-Rev.-2	A	B	C	D
29	Encadernación, encadernador(a)	18.1	18.1		Si		Si
30	Serigrafía, serígrafo(a)	18.1	18.1				Si
31	Gravados, gravador(a) (reprodutor)	18.1	18.1		Si		Si

División 20. Fabricación de produtos químicos básicos, compostos nitroxenados, fertilizantes, plásticos e caucho sintético en formas primarias.

Núm. de orde	Denominación	Código CNAE-09	Código NACE-Rev.-2	A	B	C	D
32	Pirotecnia, pirotécnico	20.5	20.5	Si	Si		Si

División 23. Fabricación doutros produtos minerais non metálicos.

Núm. de orde	Denominación	Código CNAE-09	Código NACE-Rev.-2	A	B	C	D
33	Vidreiro(a)	23.1	23.1	Si	Si
34	Vitralista (vidreiras)	23.1	23.1		Si	Si
35	Tallista de vidro	23.1	23.1		Si	Si
36	Cerámica, ceramista (decorador, muralista, esmaltista modelador(a), etc.)	23.3/4	23.3/4		Si	Si
37	Olaría, oleiro(a)	23.4	23.4	Si		Si
38	Cantaría, canteiro	23.7	23.7	Si	Si	Si	Si
39	Talla de pedra ou mármore, tallista de pedra ou mármore	23.7	23.7		Si	Si	Si

División 24. Metalurxia.

Núm. de orde	Denominación	Código CNAE-09	Código NACE-Rev.-2	A	B	C	D
40	Fundición, fundidor(a)	24.5	24.5	Si		Si	Si
41	Fundición de campás, campaneiro(a)	24.5	24.5	Si		Si	Si

División 28. Fabricación de produtos metálicos, agás maquinaria e equipos.

Núm. de orde	Denominación	Código CNAE-09	Código NACE-Rev.-2	A	B	C	D
42	Forxa e ferraría, ferreiro(a)	25.5	25.5	Si	Si	Si	Si
43	Follalataría, follalateiro(a)	25.5	25.5	Si		Si	Si
44	Esmaltes, esmaltistas	25.6	25.6		Si	Si
45	Metalistaría, metalisteiro(a) (traballos de diverso tipo en metais-latón, cobre, estaño, titanio, alpaca, gravados decorativos, cicelados, repuxados, etc.)	25.6	25.6		Si	Si	Si
46	Cerrallaría decorativa ou artística, cerralleiro decorativo ou artístico	25.7	25.7		Si	Si	Si
47	Caldeiraría, caldeireiro(a)	25.9	25.9	Si		Si	Si

División 26. Fabricación de produtos informáticos, electrónicos e ópticos.

Núm. de orde	Denominación	Código CNAE-09	Código NACE-Rev.-2	A	B	C	D
48	Construción e reparación de reloxos, reloxeiro(a)	26.5	26.5	Si			Si

División 30. Fabricación doutro material de transporte.

Núm. de orde	Denominación	Código CNAE-09	Código NACE-Rev.-2	A	B	C	D
49	Carpintaría de ribeira, carpinteiro(a) de ribeira	30.1	30.1	Si		Si	Si

División 31. Fabricación de mobles.

Núm. de orde	Denominación	Código CNAE-09	Código NACE-Rev.-2	A	B	C	D
50	Tapizaría, tapiceiro(a)	31.0	31.0				Si
51	Ebanistaría, ebanista	31.0	31.0		Si	Si	Si
52	Dourado, dourador(a)	31.0	31.0		Si		Si

División 32. Outras industrias manufactureiras.

Núm. de orde	Denominación	Código CNAE-09	Código NACE-Rev.-2	A	B	C	D
53	Prataría, prateiro(a)	32.1	32.1	Si	Si	Si	Si
54	Xoiaría, xoieiro(a)	32.1	32.1	Si	Si	Si	Si
55	Ourivaría, ourive	32.1	32.1	Si	Si	Si	Si
56	Talla de pedras preciosas ou semipreciosas, lapidario(a)	32.1	32.1				Si
57	Talla de acibeche, acibecheiro(a)	32.1	32.1	Si	Si	Si	Si
58	Talla de coral, marfil, nácara, carei, ónix etc., tallista de...	32.1	32.1		Si	Si	Si
59	Bixutería	32.1	32.1	Si	Si	Si	Si
60	Produtor(a) de instrumentos musicais de corda ou luthier	32.2	32.2		Si	Si
61	Produtor(a) de instrumentos musicais de vento	32.2	32.2		Si	Si
62	Produtor(a) de instrumentos musicais de percusión	32.2	32.2		Si	Si
63	Produtor(a) de instrumentos tradicionais populares galegos	32.2	32.2	Si	Si	Si
64	Afinación de instrumentos musicais, afinador(a)	32.2	32.2				Si
65	Palletas, palleteiro(a)	32.2	32.2	Si			Si
66	Produtor(a) de artigos deportivos	32.3	32.3			Si	Si
67	Xoguetes, xogueteiro(a), bonecos, bonequeiro(a)	32.4	32.4				Si
68	Modelos ou maquetas, modelista ou maquetista	32.4	32.4			Si	Si
69	Miniaturas, miniaturista	32.4	32.4			Si
70	Taxidermia, taxidermista	32.9	32.9				Si
71	Paraugas e bastóns, paraugueiro(a) ou bastoeiro(a)	32.9	32.9			Si	Si
72	Produtor(a) de perrucas ou postizos	32.9	32.9			Si
73	Ceraría, cereiro(a) (velas e exvotos)	32.9	32.9	Si		Si
74	Figuras de pan tradicionais populares, produtor(a)	32.9	32.9	Si		Si

División 43. Actividades de construción especializada.

Núm. de orde	Denominación	Código CNAE-09	Código NACE-Rev.-2	A	B	C	D
75	Mosaicos, produtor(a) de mosaicos	43.3	43.3		Si		Si
76	Pinturas e revestimentos decorativos, pintor-decorador(a), estucador, etcétera.	43.3	43.3		Si		Si

División 47. Comercio polo miúdo doutros artigos en establecementos especializados.

Núm. de orde	Denominación	Código CNAE-09	Código NACE-Rev.-2	A	B	C	D
77	Arranxos florais con flores naturais ou secas, fabricación de flores de papel ou teas, etc.	47.7	47.7				Si

División 74. Outras actividades profesionais, científicas e técnicas.

Núm. de orde	Denominación	Código CNAE-09	Código NACE-Rev.-2	A	B	C	D
78	Fotografía, fotógrafo(a) (proceso non automatizado)	74.2	74.2				Si
79	Escaparatismo, escaparatistas	74.1	74.1				Si
80	Rotulación	74.1	74.1				Si
81	Complementos de moda	74.9	74.9		Si	Si	Si

División 90. Actividades de creación, artísticas e espectáculos.

Núm. de orde	Denominación	Código CNAE-09	Código NACE-Rev.-2	A	B	C	D
82	Escultura, escultor(a)	90.0	90.0		Si
83	Debuxo, debuxante.	90.0	90.0		Si		Si
84	Restauración, restaurador(a) (madeira, mobiliario, papel, pintura, arqueoloxía, coiro, pedra, etc.)	90.0	90.0		Si		Si
85	Escenografía e cartelismo, escenógrafo(a) ou cartelista	90.0	90.0		Si		Si
86	Pirogravado, pirogravador(a)	90.0	90.0		Si		Si
87	Cartón pedra, produtor(a) de obxectos de cartón pedra e similares	90.0	90.0		Si	Si

División 96. Outros servizos persoais.

Núm. de orde	Denominación	Código CNAE-09	Código NACE-Rev.-2	A	B	C	D
88	Afiado, afiador(a)	96.0	96.0	Si			Si