Que é o CVE?
![CVE](/documents/35297/40621/cve1.png?version=1.0)
![CVE](/documents/35297/40621/cve2.png?version=1.0)
Que é o CVE?
O CVE son as iniciais do Código de Verificación Electrónica, que consiste nun conxunto de caracteres (números e letras) que identifican de forma única calquera das disposicións, actos e anuncios publicados pola Xunta de Galicia. Este código atópase impreso en todas e cada unha das páxinas do documento para facilitar o acceso ao documento electrónico orixinal en posesión da Xunta.
Por que é importante o CVE?
- Porque calquera copia realizada en papel dos orixinais electrónicos do documento a partir do 17 de decembro de 2010 (data de publicación do Decreto 198/2010, do 2 de decembro, polo que se regula o desenvolvemento da Administración electrónica na Xunta de Galicia e nas entidades dela dependentes) terán consideración de copia auténtica se inclúe o CVE
- O CVE permite contrastar a autencidade de calquera documento da Xunta impreso en papel mediante o cotexo co documento electrónico orixinal. Para isto, vostede pode inserir o CVE no cadro de texto da páxina verificación de documentos asinados e obter o documento orixinal, asinado electronicamente, directamente do portal da Xunta