Estratexia para a Educación Dixital 2030 en Galicia que, a través de dous eixes, catro ámbitos de actuación e 12 accións de impacto, busca fomentar o ecosistema educativo dixital e perfeccionar as competencias e capacidades dixitais das comunidades educativas.

A Xunta, a través do novo plan de linguas 2030, inxectará 83 M€ no sistema educativo en catro anos para accións de alto impacto e especialización na aprendizaxe de idiomas.

Edudixital nace para dar resposta aos retos actuais e futuros que presenta a actual sociedade dixital, a través dun novo impulso á educación dixital.

O Plan Galego de Financiamento Universitario 2016-2020 ten como obxectivos establecer un horizonte financeiro amplo de suficiencia e estabilidade para que a Xunta de Galicia e institucións públicas de ensino universitario desenvolvan as súas políticas; definir criterios explícitos de asignación dos recursos públicos en base aos resultados en docencia, investigación e transferencia; estimular a adecuación da oferta docente ás demandas sociais, reorientándoa, potenciando a formación continua, a actividade investigadora e a transferencia tecnolóxica e promovendo a mellora da calidade.

A Estratexia de convivencia escolar en Galicia 2015-2020 é o documento de traballo no que se trazan as liñas xerais da convivencia escolar para o próximo lustro. Foi presentado ao Consello para a Convivencia Escolar da Comunidade Autónoma de Galicia o 24/04/15.
 

A Estratexia de Especialización Intelixente da Eurorrexión Galicia-Norte de Portugal (RIS3T) é a primeira RIS3 transfronteiriza da UE. Esta ferramenta permitirá xerar crecemento económico, emprego de calidade e benestar social impulsando conxuntamente fortalezas e retos comúns na Eurorrexión.