Actualidade
Ten dispoñibles para consulta 312 novas da área temática Transporte:
A xunta licita por 637.000 € a execución dun aparcadoiro disuasorio para o fomento do vehículo compartido no enlace da PO-340 coa autoestrada do Val Miñor, en Nigrán
Disporase dunha superficie total de 3.500 m² para habilitar 72 prazas de estacionamento, facilitando a redución da presenza dos coches no centro da vila pontevedresa, na zona próxima ao quilómetro 8+800
Ethel Vázquez salienta que a Xunta destina un investimento anual de 50 M€ a manter e mellorar a seguridade nas estradas, convertendo a rede autonómica nun referente en conservación viaria
Vázquez Mourelle destaca a eliminación de tramos de concentración de accidentes nas vías autonómicas, cun investimento de máis de 15M€ que xa permitiu reducir en case un 60% a sinistralidade neses “puntos negros”
A Xunta inviste preto de 45.000 euros no acondicionamento da estación de autobuses de Ferrol
Os traballos prevén a mellora da iluminación exterior, coa instalación de seis crucetas de 12 focos e a reposición do alumeado interior, ademais de melloras no aparcadoiro, nas dársenas e nos aseos deste edificio
Ethel Vázquez destaca a achega da Xunta ao convenio para investir case 50 M€ na estación intermodal de Lugo e chama a optimizala con máis servizos de tren e conexión co AVE
Vázquez Mourelle salienta o esforzo e a responsabilidade do Goberno galego, que incrementa ata un 50 % a contía que corresponde ao financiamento da terminal de autobuses, que acada os 9 M€, elevando o investimento autonómico ata case os 13,7 M€
A Xunta convida ao Clúster da Loxística a traballar conxuntamente para impulsar o Corredor Atlántico e defender as prioridades de Galicia ante o comisionado
Ethel Vázquez salienta a frutífera colaboración entre o Goberno galego e o Clúster, a través das mesas de diálogo do transporte por estrada ou o Observatorio de Custos de Transporte de Mercadorías por Estrada
O Observatorio de Transporte de Mercadorías por Estrada de Galicia actualiza os prezos asociados ao servizo para facilitar simulacións sobre o seu custo
Os datos do Observatorio revelan que se triplicou o custo do financiamento nos últimos 12 meses, incrementándose o tipo de xuro en máis dun 6 % de decembro para xaneiro
A Xunta inicia esta semana traballos de roza e limpeza nas marxes de estradas autonómicas nos concellos de Muros, Noia, Santa Comba e Barbadás
Os novos traballos desenvolveranse na estrada AC-550, nos municipios de Muros e Noia; nas glorietas da AC-406, en Santa Comba; e na OU-540, en Barbadás
Os descontos no transporte público autonómico bonificaron desde setembro 7,5 millóns de viaxes en Galicia, o 75% dos desprazamentos
A Xunta estima que o número de beneficiarios poderá roldar os 14 millóns ata finais de xuño, data ata a que estará en vigor a bonificación adicional do 50%
Galicia exixirá ao Comisionado do Corredor Atlántico un investimento de 8.000 M€ para a conexión noroeste
Rueda advirte que os 1.130 M€ anunciados son “insuficientes” e admite a “preocupación” ante as imprecisións, erros e ausencias de actuacións en “infraestruturas irrenunciables” para Galicia no Plan director que se presentou esta semana en Xixón
A Xunta publica no Diario Oficial de Galicia a concesión de 205 axudas para o achatarramento de vehículos de transporte por estrada, cun orzamento de 5,9 M€
O DOG tamén publica o outorgamento de 21 axudas para a adquisición de vehículos de enerxías alternativas baixas en carbono, mobilizando un investimento de 4,4 M€
