Actualidade
Ten dispoñibles para consulta 1.444 novas da C. do Medio Rural:
A Xunta detecta dous novos casos de aves silvestres afectadas por gripe aviaria en Ares e Xove
A detección realizouse no marco do Plan de vixilancia que desenvolve a Xunta e non vai afectar á valoración favorable do risco respecto á influenza aviaria que recentemente realizou o Goberno central
A Xunta fomenta os simulacros de extinción de incendios para seguir mellorando o dispositivo de loita contra os lumes
O director xeral de Defensa do Monte, Manuel Rodríguez, asistiu hoxe a un simulacro levado a cabo no marco do II Congreso Internacional de Incendios Forestais Interlumes, que se está a celebrar na localidade pontevedresa de Silleda, dentro do programa da Feira Internacional de Seguridade, Defensa e Emerxencias Sedexpo
A Xunta apoia un proxecto europeo que traballa para a posta en marcha do Observatorio da Dieta Atlántica
O director da Axencia Galega da Calidade Alimentaria, José Luis Cabarcos, participou hoxe nun taller de cooperación transfronteiriza entre España e Portugal enmarcado no proxecto DIETAT, encabezado polo goberno galego
A Xunta destaca no marco de Sedexpo a importancia da colaboración e a prevención en materia de seguridade, defensa e emerxencias
José González chamou a reforzar a cooperación institucional na loita contra os incendios forestais, lembrando o convenio de protección das aldeas e o compromiso de dúas das deputacións provinciais -Ourense e Pontevedra- neste eido
A Xunta destina preto de 1,7 M€ ao matadoiro móbil que mellorará a xestión e a rendibilidade de pequenas explotacións afastadas de ovino, cabrún e porcino
José González sinalou que esta iniciativa permitirá reducir os custos de transporte do gando destas explotacións que se atopan a distancia dos matadoiros convencionais e mellorar ao tempo a calidade da carne e o benestar animal
A Xunta e a Deputación de Ourense colaboran na loita contra os lumes cunha nova entrega de maquinaria a 13 concellos ourensáns, cun investimento de case 1,3 M€
José González recordou que a implicación das deputacións é unha obriga moral, pero tamén unha cuestión legal, xa que a normativa de Réxime Local contempla entre as súas competencias a loita contra o lume en concellos de menos de 20.000 habitantes
A prevención, investigación e extinción de incendios forestais centrará en Silleda o II Congreso Internacional Interlumes, organizado pola Xunta
Terá lugar entre mañá martes e o vindeiro xoves día 30 no recinto feiral de Silleda, enmarcado na Feira Internacional de Seguridade, Defensa e Emerxencias (Sedexpo)
A Xunta destaca a importancia dos mercados á hora de dinamizar as economías locais e de facilitar a comercialización de produtos agroalimentarios
José González, acompañado pola directora xeral da Axencia Galega de Desenvolvemento Rural, Inés Santé, polo delegado da Xunta en Ourense, Gabriel Alén, e pola alcaldesa de Bande, Sandra Quintas, comprobou o resultado da rehabilitación exterior deste mercado cun investimento de 89.000 euros por parte do goberno autonómico
