Actualidade
Ten dispoñibles para consulta 1.484 novas da C. de Vivenda e Planificación de Infraestruturas:
A Xunta convoca para xullo e setembro os propietarios dos terreos necesarios para executar as novas sendas peonís de Mabegondo e de Montouto, no concello de Abegondo
Segundo recolle hoxe o Diario Oficial de Galicia o levantamento de actas previas terá lugar o 18 de xullo e a formalización das actas de ocupación o 27 de setembro
A Xunta publica hoxe no DOG o cambio de titularidade a prol do concello de Vimianzo de 12 treitos antigos das estradas autonómicas AC-432, AC-441 e AC-552
A transferencia enmárcase no acordo coa entidade local, tras o remate das obras de reforzo de firme en 2 tramos antigos da AC-432, cun investimento autonómico de case 46.000 €, completadas con outras intervencións de mellora
A Xunta rematará neste mes de xullo o proxecto dos colectores e da nova depuradora de Foz, nos que investirá máis de 12,2 millóns de euros
A directora de Augas de Galicia solicitoulle hoxe ao Concello que someta canto antes o proxecto a información pública e axilice o resto de trámites municipais para poder iniciar as obras
Ethel Vázquez lamenta que o Comisionado do Corredor Atlántico non inclúa á Xunta na Axenda de traballo e cancele o encontro do mércores cos empresarios
Vázquez Mourelle considera un erro que o Comisionado non escoite ao Goberno galego, que vén traballando de xeito intenso e leal a prol do Corredor Atlántico, coa identificación das actuacións e investimentos necesarios, que suman 8.000 millóns de euros
Ethel Vázquez avanza que a Xunta poñerá en marcha este mes de xullo o novo Hospital Público da Coruña, licitando as primeiras obras por máis de 63 M€
Vázquez Mourelle salienta que en poucos días se licitará a Torre Polivalente, que superará os 37 M€ de investimento; os accesos, con concurso de proxecto e obra por 25 M €; e a demolición do Hotel do Doente, con máis de 1 M€ de orzamento
A continuidade das obras de urbanización do Hospital de Ferrol fai necesario restrinxir o aparcamento na rúa Irmandade de Doadores de Sangue desde mañá
Esta segunda fase das obras para a nova configuración desta rúa completará ás xa executadas no verán do 2022, rematadas antes do inicio do pasado curso escolar
Rueda resalta a unidade do sector da construción de Galicia que a Xunta incentivará nos vindeiros meses con contratos de obra pública por máis de 130 M€
Subliña a importancia “para a economía e o tecido produtivo galego” deste sector co que é fundamental colaborar para “seguir construíndo Galicia a través da obra pública”
A Xunta publica no DOG a encomenda a Seaga das obras de ampliación da rede de saneamento de Begonte, que suporán un investimento de case 230.000 €
Dotarase de saneamento o Camiño de Saavedra, que atravesa o lugar do Marco, na parroquia de Carral, unha zona maiormente residencial na que abundan as construcións auxiliares destinadas a usos agrícolas e vinculadas ás vivendas
A Xunta iniciará esta semana novos traballos de limpeza nas marxes da estrada AC-549 ao paso polo Concello de Noia
Continuarán os traballos en execución na vía de altas prestacións que une Monforte de Lemos co Alto do Faro (CG-2.1) e na estrada OU-801, que comunica os municipios ourensáns de Padrenda e Ribadavia
A Xunta adxudica por 435.000 euros as obras da nova rotonda na intersección da estrada OU-540 coa autovía A-52, no concello de Barbadás
A previsión é iniciar a finais de xullo as obras, cun prazo de execución de 4 meses
