A Xunta colabora no Campionato galego de sumilleres, celebrado hoxe en Vigo, aportando viños premiados nas Catas de Galicia 2023 para a súa degustación
A Axencia Galega da Calidade Alimentaria, dependente da Consellería do Medio Rural, colabora no Campionato Galego de Sumilleres, organizado pola Asociación Galega de Sumilleres (AGASU) e celebrado hoxe no CIFP Manuel Antonio de Vigo. Os gañadores deste certame clasificaranse para competir no campionato nacional, que terá lugar o vindeiro mes de abril.
Os sumilleres puideron degustar os viños premiados cos acios de ouro nas Catas de Galicia 2023 -aportados pola Consellería- nun túnel do viño que forma parte do programa desta xornada. Ademais, a Axencia organizou tamén un relatorio informativo, no que se puxo en valor a importancia dos selos de calidade diferenciada dos produtos agroalimentarios galegos e a súa importancia para o impulso e promoción destas figuras no sector vitivinícola.
Imaxes relacionadas
