A Xunta sinala que as casas niño permiten levar atención de 0 a 3 a concellos do rural
O Corgo (Lugo), 16 de febreiro de 2024
O director xeral de Familia, Infancia e Dinamización Demográfica, Jacobo Rey, visitou esta mañá as dúas primeiras casas niño que se puxeron en marcha en Galicia: a casa niño Kikí, situada no concello lucense de O Corgo, e a casa niño Pequerrechos, no concello ourensán de Leiro.
Durante as visitas sinalou que desde a súa creación no ano 2016, estes servizos permiten levar atención de 0 a 3 anos a concellos do rural, favorecendo deste xeito á igualdade de oportunidade entre territorios. O director xeral apuntou ademais que as casas niño ofrecen ás familias a oportunidade de conciliar no rural e que, deste xeito, atopen nestes concellos o lugar idóneo para desenvolver o seu proxecto de vida.
Imaxes relacionadas
Departamento:
C. de Política Social e Igualdade
Data de actualización: 16/02/2024
