Caldas de Reis (Pontevedra), 13 de febreiro de 2024

O director xeral de Familia, Infancia e Dinamización Demográfica, Jacobo Rey, visitou esta mañá a casa de familia Laura Vicuña, situada no concello de Caldas de Reis.

Alí sinalou que o Goberno galego aposta por esta modalidade de recurso por garantir un contexto familiar para os nenos e adolescentes dentro do sistema de protección autonómico e facilitar así unha maior protección da infancia.