Os servizos de hematoloxía do Sergas xa están en disposición de recrutar os pacientes beneficiarios das terapias CAR-T que se fabricarán en Galicia
O conselleiro de Sanidade visita o persoal do Centro de Fabricación de Terapias Avanzadas da Xunta de Galicia, emprazado no campus universitario
Alta cualificación biosanitaria e talento retornado, entre as principais características do equipo humano do Centro
Santiago de Compostela, 31 de xaneiro de 2024
O conselleiro de Sanidade saudou este mércores o persoal do Centro de Fabricación de Terapias Avanzadas de Galicia, entre o que se atopan profesionais científicos e técnicos de alta cualificación. No percorrido polas instalacións, o titular da carteira sanitaria estivo acompañado da xerente do Sergas, Estrella López-Pardo, o director de Asistencia Sanitaria, Jorge Aboal, e a xerente de Galaria, Rocío Mosquera. Xuntos percorreron a superficie de preto de 1.000 metros cadrados que alberga salas brancas e de criopreservación, laboratorios de control de calidade, almacéns, despachos e áreas técnicas destinadas a usos auxiliares e administrativos.
Comesaña destacou o labor de Galaria no proceso de selección, pola “excelencia dos perfís biosanitarios e a atracción de talento internacional retornado”. Así mesmo, o persoal do centro público galego falou dos estritos procedementos e controis esixidos para obter o certificado de normas de correcta fabricación.
Garantía de calidade, infraestrutura e potencial
Que son e como funcionan as terapias CAR-T
As terapias CAR-T son un tipo de terapia na que se modifican xeneticamente os linfocitos T do propio paciente para que ataquen as células canceríxenas. Este proceso comeza coa súa recolección e segue co posterior envío ao laboratorio. Unha vez alí, modifícanse para expresar o receptor quimérico, deseñado para recoñecer unha proteína específica da superficie das células canceríxenas e que non se atopa nas células normais do corpo. O obxectivo é que as células T obtidas recoñezan as células canceríxenas e as ataquen e destrúan.
Imaxes relacionadas
