A conselleira de Infraestruturas e Mobilidade, Ethel Vázquez, e o conselleiro de Sanidade, Julio García Comesaña, mantiveron hoxe un encontro de traballo coa alcaldesa de Santiago, Goretti Sanmartín, na que lle trasladaron unha nova proposta da Xunta para facilitar o acordo
A Xunta propón ao Concello de Santiago un marco xeral de colaboración para crear 1000 prazas de aparcamento no Hospital Clínico e estender o saneamento ao rural
A mellora da mobilidade e a integración urbana en torno ao hospital pasa pola elaboración dun Proxecto de Interese Autonómico, coa implicación do Concello, que servirá de base para dispoñer dun aparcadoiro xunto ao hospital e para humanizar o ámbito
A Xunta propón que o Concello habilite como aparcadoiro en superficie a parcela próxima ao CiMUS ofertada, conservando a súa titularidade e dispoñendo un espazo complementario a curto prazo para aliviar a situación
Propón que, en lugar de cederlle a parcela próxima ao CiMUS á Xunta, realice unha achega equivalente ao seu valor e contribúa con 3,5 M€ ao novo aparcadoiro de 1.000 prazas e urbanización do ámbito
O Goberno galego ofrécese a colaborar coa mesma cantidade, 3,5 M€, para cofinanciar nun 70% os proxectos de abastecemento e saneamento no rural
Esta nova achega do Goberno galego sumaríase ao actual investimento de 10,8 M€ que está a destinar á execución da depuradora da Silvouta
A Xunta trasladará unha nova proposta de convenio cos termos abordados na xuntanza de hoxe, que agarda que o Concello poida aceptar, por ser unha solución facilitadora para a mobilidade do hospital e para o saneamento
Santiago de Compostela, 30 de xaneiro de 2024
A Xunta proponlle ao Concello de Santiago un marco xeral de colaboración para crear 1.000 prazas de aparcamento no Hospital Clínico e estender o saneamento ao rural.
A conselleira de Infraestruturas e Mobilidade, Ethel Vázquez, e o conselleiro de Sanidade, Julio García Comesaña, mantiveron hoxe un encontro de traballo coa alcaldesa de Santiago, Goretti Sanmartín na que lle trasladaron una nova proposta da Xunta para facilitar o acordo.
Na reunión abordouse a necesidade, compartida por todos, de mellorar a integración urbana e a mobilidade en torno ao Hospital Clínico, complexo no que a Xunta está a investir máis de 100 M€ para acometer a súa ampliación e un centro de protonterapia pioneiro en España.
Para iso é preciso definir esas actuacións necesarias a través dun Proxecto de Interese Autonómico, en colaboración co Concello, e que debe servir de base para a creación desas 1.000 novas prazas de aparcamento no ámbito hospitalario.
Imaxes relacionadas
