A conselleira de Política Social e Xuventude, Fabiola Garcia, asistiu esta tarde ao Encontro de Corais e á posterior chocolatada organizadas por Aulas Sénior Galicia (Ategal), dúas actividades solidarias para axudar á Cociña Económica de Santiago.

Fabiola García destacou o amplo programa de actividades formativas, de ocio e de carácter social que desenvolve Ategal, coas que ademais favorece a participación da xente maior e un envellecemento activo.