Xosé Merelles pon de manifesto a capacidade do turismo para dinamizar o rural galego
O director de Turismo de Galicia visita o municipio de Cerdedo-Cotobade para estudar as necesidades de impulso e mellora dos recursos turísticos do municipio
Cerdedo-Cotobade (Pontevedra), 13 de xaneiro de 2024
O director de Turismo de Galicia, Xosé Merelles, visitou hoxe Cerdedo-Cotobade, onde tivo unha reunión técnica para abordar as necesidades de impulso e mellora dos recursos turísticos do municipio.
Neste sentido, salientou a capacidade da actividade turística para dinamizar económicamente e tamén socialmente o rural galego. Valorou, ademais, o potencial do municipio pontevedrés, especialmente vencellado á súa natureza, patrimonio e valor diferencial.
Xosé Merelles puxo de manifesto, ademais, a importancia do acondiconamento paisaxístico da contorna e accesos dos seus principais recursos naturais e tamén a posta en valor da vía mariana a través da sinalización turística.
Imaxes relacionadas
