Un total de 40 centros participan este curso no programa ‘Cinema con perspectiva’
O programa ten como obxectivo educar na identificación e tratamento dos estereotipos sexistas presentes nas narrativas audiovisuais
O alumnado participante tamén poderá crear unha sinxela produción audiovisual con perspectiva de xénero
Santiago de Compostela, 5 de xaneiro de 2024
A Consellería de Cultura, Educación, FP e Universidades vén de publicar a resolución de centros seleccionados para participar este curso no programa Cinema con perspectiva, desenvolvido en colaboración coa asociación cultural FICBUEU.
O programa, dirixido ao alumnado de 5º e 6º de Primaria e 1º e 2º de ESO, ten como obxectivo educar na identificación e tratamento dos estereotipos sexistas presentes na narrativa do cinema e noutras formas de expresión audiovisual. Así mesmo, o alumnado participante poderá crear un produto (guión, plan de rodaxe, etc.) para pór en escena unha sinxela produción audiovisual con perspectiva de xénero.
A relación de centros seleccionados é a reflectida na seguinte táboa:
Provincia | Concello | Centro | Actividade |
Coruña, A | Abegondo | IES de Viós | Proxección de curtametraxes con temática en igualdade de xénero |
Coruña, A | Carral | IES de Carral | Proxección de curtametraxes con temática en igualdade de xénero |
Coruña, A | Cerceda | CPI Plurilingüe O Cruce | Proxección de curtametraxes con temática en igualdade de xénero |
Coruña, A | Ferrol | IES Canido | Proxección de curtametraxes con temática en igualdade de xénero |
Coruña, A | Mugardos | IES de Mugardos | Proxección de curtametraxes con temática en igualdade de xénero |
Coruña, A | Neda | IES Fernando Esquío | Proxección de curtametraxes con temática en igualdade de xénero |
Coruña, A | Noia | CEIP Felipe de Castro | Proxección de curtametraxes con temática en igualdade de xénero |
Coruña, A | Oroso | CEIP Plurilingüe do Camiño Inglés | Proxección de curtametraxes con temática en igualdade de xénero |
Coruña, A | Ponteceso | IES Eduardo Pondal | Proxección de curtametraxes con temática en igualdade de xénero |
Coruña, A | Ribeira | CEIP Plurilingüe de Palmeira | Proxección de curtametraxes con temática en igualdade de xénero |
Coruña, A | Pontedeume | IES Breamo | Obradoiro educativo para a creación dunha produción audiovisual |
Lugo | Lugo | IES Sanxillao | Proxección de curtametraxes con temática en igualdade de xénero |
Lugo | Mondoñedo | IES Plurilingüe San Rosendo | Proxección de curtametraxes con temática en igualdade de xénero |
Lugo | Monforte de Lemos | CEIP Plurilingüe A Gándara | Proxección de curtametraxes con temática en igualdade de xénero |
Lugo | Monterroso | IES de Monterroso | Proxección de curtametraxes con temática en igualdade de xénero |
Lugo | Sarria | IES Xograr Afonso Gómez de Sarria | Proxección de curtametraxes con temática en igualdade de xénero |
Lugo | Xove | IES Illa de Sarón | Obradoiro educativo para a creación dunha produción audiovisual |
Ourense | Barco de Valdeorras, O | IES Lauro Olmo | Obradoiro educativo para a creación dunha produción audiovisual |
Ourense | Maceda | IES San Mamede | Proxección de curtametraxes con temática en igualdade de xénero |
Ourense | Ourense | IES Universidade Laboral | Proxección de curtametraxes con temática en igualdade de xénero |
Ourense | Vilar de Barrio | CEIP Plurilingüe de Vilar de Barrio | Obradoiro educativo para a creación dunha produción audiovisual |
Pontevedra | Bueu | CEIP Plurilingüe A Pedra | Proxección de curtametraxes con temática en igualdade de xénero |
Pontevedra | Bueu | IES Johan Carballeira | Proxección de curtametraxes con temática en igualdade de xénero |
Pontevedra | Cambados | IES Ramón Cabanillas | Obradoiro educativo para a creación dunha produción audiovisual |
Pontevedra | Cangas | CEIP Plurilingüe de San Roque de Darbo | Proxección de curtametraxes con temática en igualdade de xénero |
Pontevedra | Cangas | CEIP Plurilingüe da Espiñeira-Aldán | Obradoiro educativo para a creación dunha produción audiovisual |
Pontevedra | Cerdedo-Cotobade | IES de Cotobade | Proxección de curtametraxes con temática en igualdade de xénero |
Pontevedra | Gondomar | IES Auga da Laxe | Proxección de curtametraxes con temática en igualdade de xénero |
Pontevedra | Guarda, A | CEIP Manuel Rodríguez Sinde | Proxección de curtametraxes con temática en igualdade de xénero |
Pontevedra | Lalín | IES Laxeiro | Proxección de curtametraxes con temática en igualdade de xénero |
Pontevedra | Neves, As | IES Pazo da Mercé | Obradoiro educativo para a creación dunha produción audiovisual |
Pontevedra | Nigrán | CEIP da Cruz | Proxección de curtametraxes con temática en igualdade de xénero |
Pontevedra | Pontevedra | IES Valle-Inclán | Proxección de curtametraxes con temática en igualdade de xénero |
Pontevedra | Pontevedra | CEIP San Martiño | Obradoiro educativo para a creación dunha produción audiovisual |
Pontevedra | Redondela | IES Illa de San Simón | Proxección de curtametraxes con temática en igualdade de xénero |
Pontevedra | Redondela | CEIP Plurilingüe Alexandre Bóveda | Obradoiro educativo para a creación dunha produción audiovisual |
Pontevedra | Salvaterra de Miño | CEIP Plurilingüe de Leirado | Obradoiro educativo para a creación dunha produción audiovisual |
Pontevedra | Tomiño | CEIP Pintor Antonio Fernández | Proxección de curtametraxes con temática en igualdade de xénero |
Pontevedra | Vigo | IES de Beade | Proxección de curtametraxes con temática en igualdade de xénero |
Pontevedra | Vilanova de Arousa | CEIP Plurilingüe de Sestelo-Baión | Proxección de curtametraxes con temática en igualdade de xénero |
O programa desenvolverase ao longo do segundo e terceiro trimestre do curso 2023/24 e divídese en dúas actividades diferentes. A primeira delas consiste na proxección de curtametraxes con temática en igualdade de xénero, que ten como base fomentar entre o alumnado a reflexión sobre o papel da muller na sociedade, a violencia de xénero e as desigualdades. Unha vez concluída a proxección desenvolverase un coloquio que será moderado e dirixido por unha persoa experta, que tratará de estimular a capacidade reflexiva e analítica do alumnado sobre os valores e as mensaxes ocultas en materia de igualdade presentes nas filmacións.
A segunda actividade é un obradoiro educativo para a creación dunha sinxela produción audiovisual. En cada centro educativo participante desenvolverase unha produción audiovisual con temática en igualdade de xénero, sexa curtametraxe, anuncio publicitario, vídeo musical, ou entrevista, entre outros formato. O argumento e a posta en escena reflectirán contidos sobre o significado da igualdade e a equidade entre mulleres e homes, os estereotipos e os roles de xénero, ou o empoderamento da muller, desde unha perspectiva didáctica que permita comprender ao alumnado a realidade desta situación desde o enfoque dun proceso social en construción e de cambio positivo.
A iniciativa enmárcase na Estratexia Galega de Convivencia Escolar, que contempla como un dos seus principios a consecución efectiva da igualdade de dereitos e oportunidades entre mulleres e homes e na igualdade de trato e non discriminación as persoas en función da súa condición sexual.
