A delegada territorial da Xunta en Vigo, Ana Ortiz, acudiu este sábado á celebración do 20 aniversario da Asociación de Amigos de Venezuela na que participaron preto de 200 persoas da comunidade do país suramericano na cidade. 

A representante autonómica felicitou ao colectivo e destacou o compromiso do Goberno galego cos retornados. “A Xunta demostrou con feitos o apoio que ofrece a estas persoas e garante a súa permanencia na nosa sociedade, porque o retorno é un dereito que Galicia sempre tivo presente e polo que estamos a traballar día a día desde a administración autonómica”, sinalou. 

Durante os actos celebrados no Pazo dos Escudos, foron galardoados os colectivos Mulleres en Igualdade de Vigo e Vida Digna.