O director xeral de Familia, Infancia e Dinamización Demográfica, Jacobo Rey, participou hoxe nunha nova edición do Encontro de Familias organizado por Fademga Plena Inclusión Galicia. Jacobo Rey destacou a importancia que teñen este tipo de eventos, que serven de espazo de encontro para compartir experiencias e dar máis visibilidade ás necesidades que teñen as persoas con discapacidade.

Baixo a lenda ‘A miña participación importa’, abordáronse temas como o ocio inclusivo, a participación ou as distintas maneiras de vivir. Tamén analizáronse as implicacións da nova Lei 8/2021 sobre a capacidade xurídica das persoas con discapacidade.