Chega a Porqueira a campaña de ‘GALICIA SABE AMAR’ da Xunta exalta a saúde e a calidade de vida que están detrás do consumo dos produtos do mar
A foodtruck da campaña GALICIA SABE AMAR recalou hoxe na localidade ourensá de Porqueira e recibiu a visita do conselleiro do Mar, Alfonso Villares, acompañado pola conselleira de Promoción do Emprego e Igualdade, Elena Rivo, e pola alcaldesa da localidade Susana Vázquez. O titular do Mar destacou a importancia da realización deste tipo de accións de promoción dos produtos pesqueiros á vez que enxalzou a calidade excepcional do peixe e do marisco das rías galegas e instou a que sexan parte dunha dieta saudable e equilibrada que contribuirá a elevar a calidade de vida dos seus consumidores. Deste xeito este municipio únese ao listado de localidades polos que foi parando esta iniciativa que está percorrendo todo o territorio galego e na que xa participaron máis de 270.000 persoas e superou o milleiro de degustacións dos seus petiscos.
Imaxes relacionadas
