A Xunta pon en valor a gastronomía galega e o bo facer dos produtores na Feira de Santos de Monterroso
2023-11-01
/documents/35297/43453/231101_Conses+MR+Mar_Feira+de+Santos+I.jpg?version=1.0&imagePreview=1
Monterroso (Lugo), 1 de novembro de 2023
O conselleiro do Medio Rural, José González, o conselleiro do Mar, Alfonso Villares, e o delegado territorial da Xunta en Lugo, Javier Arias, asistiron á Feira de Santos, no concello lucense de Monterroso, unha cita declarada de interese turístico e cuxa orixe se remonta á Idade Media.
Ambos conselleiros puxeron en valor a importancia da gastronomía local e o bo facer dos produtores galegos, protagonistas do evento. A feira conta con centos de postos con vendedores de produtos agroalimentarios ou maquinaria agrícola. Nos arredores desta feira senlleira está hoxe a Oficina Móbil da Consellería do Medio Rural, prestando servizo aos veciños e facilitando trámites administrativos e técnicos.
Data de actualización: 01/11/2023