A conselleira de Política Social e Xuventude, Fabiola García, participa esta tarde na recepción oficial da conferencia sobre ‘El Futuro del Desarrollo Rural ante los Retos Demográficos y Climáticos’, organizada polo Comité Europeo das Rexións en Logroño durante hoxe e mañá.

Esta recepción oficial será seguida dun debate de alto nivel mañá martes no que responsables das distintas administracións comunitaria, estatal, autonómica e local abordarán o reto demográfico e climático desde as súas áreas de acción. A conselleira participará en concreto nunha mesa redonda sobre os retos demográficos nas zonas rurais.

Este encontro europeo contará coa participación da vicepresidenta da Comisión Europea para Democracia e Demografía, Dubravka Šuica, así como coa deputada do Parlamento Europeo, Mazaly Aguilar, a presidenta da Asemblea de Córcega, Marie-Antoinette Maupertuis, e a directora xeral de Políticas contra la Despoblación do Ministerio para la Transición Ecológica y el Reto Demográfico, Juana López Pagán.