Santiago de Compostela, 9 de outubro de 2023

O Diario Oficial de Galicia (DOG) de hoxe publica a resolución da nova orde de axudas dotada cun millóns de euros para que os concellos ou as mancomunidades adquiran vehículos de emisión 0, eco ou de etiqueta C verde para o seu uso por parte dos servizos sociais municipais. Estás achegas están dirixidas a municipios de menos de 10.000 habitantes.

A contía máxima da achega económica é de 40.000 euros por vehículo. As entidades locais que resultaron beneficiarias poderán solicitar un anticipo do 80% da axuda concedida, co fin de facilitar que estas conten con liquidez suficiente para facer fronte á compra do transporte.

A posta en marcha desta liña de axudas enmárcase no Plan de recuperación, transformación e resilencia financiado pola Unión Europea a través do programa NextGenerationEU. A través desta iniciativa, o Executivo autonómico mostra unha vez máis o seu compromiso coa mellora da atención aos maiores e ás persoas con discapacidade.

De feito, esta orde súmase a outra publicada a finais do ano pasado e xa resolta co mesmo cometido dirixida ás entidades sociais. Esta orde contou cun orzamento de 3,6 millóns de euros e beneficiou a 80 entidades sociais.