A Xunta executa actuacións de conservación e limpeza nos treitos interurbanos do río Patela, no concello de Cuntis
Estes traballos desenvólvense ao longo de preto de 1,6 km, no percorrido do río por distintos lugares da parroquia de Santa María de Cuntis
As tarefas céntranse na roza selectiva puntual e selectiva e na retirada de árbores e pólas caídas para evitar atoamentos
Augas de Galicia continúa a traballar na mellora dos leitos fluviais para favorecer as condicións naturais do ecosistema dos ríos
A Consellería de Infraestruturas e Mobilidade, a través de Augas de Galicia, está a executar actuacións de conservación e limpeza no treito interurbano do río Patela, no concello de Cuntis.
Os traballos están a desenvolverse nunha lonxitude de preto de 1,6 quilómetros do río, no seu percorrido por distintos lugares da parroquia de Santa María de Cuntis.
As tarefas céntranse na roza puntual e selectiva e na retirada de árbores e pólas caídas na canle para evitar atoamentos. Unha vez finalizadas estas actuacións, o rego quedará despexado de maleza, posibilitando así a circulación fluída das súas augas.
Augas de Galicia desenvolve estas accións no marco do programa de mantemento, conservación e mellora do dominio público hidráulico das bacías de Galicia-Costa, no ámbito territorial da zona Galicia-sur e nas súas zonas de acceso e protección.
Estas intervencións da Xunta contribúen á mellora dos leitos fluviais para acadar condicións naturais dos ecosistemas que favorezan os aspectos medioambientais e de uso social na contorna dos ríos.