A Xunta puxo en valor a súa experiencia na loita contra o lume forestal nunhas xornadas sobre emerxencias en Bilbao
O director xeral de Defensa do Monte, Manuel Rodríguez, participou esta semana en Bilbao na mesa redonda “A evolución dos incendios forestais e a súa perigosidade”, no marco do USEC Bilbao Congress 2023, unhas xornadas sobre seguridade e emerxencias que se desenvolveron na devandita cidade vasca.
O director xeral interveu neste foro xunto a outros relatores de Cataluña e País Vasco. No seu relatorio, explicou e puxo en valor a experiencia galega na loita contra o lume e fixo fincapé na evolución dos incendios forestais nos últimos anos. Neste sentido, Manuel Rodríguez trasladou que a progresiva maior complexidade dos incendios obriga a facer un esforzo suplementario tanto en materia de prevención como de extinción, eidos nos que a Xunta traballa mediante plans específicos, subliñou.
Imaxes relacionadas
