Constituída a mesa sectorial do SERGAS co proceso de estabilización de persoal en marcha
O conselleiro de Sanidade dá a benvida aos novos membros da mesa constituída por catro sindicatos
Santiago de Compostela, 20 de setembro de 2023
O conselleiro de Sanidade, Julio García Comesaña, asistiu esta mañá á constitución da mesa sectorial de negociación do persoal do Servizo Galego de Saúde, composta por 15 membros (cinco do sindicato CIG, catro de CSIF, tres de CCOO e tres de UGT), repartidos en función da representación obtida nas eleccións celebradas en maio.
A reunión prodúcese despois de que se aplicasen na nómina de agosto as novas retribucións acordadas por unanimidade con todos os sindicatos e que incluían tamén melloras nas condicións de traballo coa dotación de 1.393 prazas nos orzamentos do Sergas para os próximos dous anos, o que suporá a redución de 16 días en xornada.
A mesa sectorial ten neste momento o importante reto de executar o maior proceso de estabilización de emprego en 105 categorías diferentes, co obxectivo de non superar o 8% de temporalidade.
Imaxes relacionadas
