Javier Arias participa na apertura da oficina Acelera peme e destaca a importancia de facer chegar a información ás empresas interesadas
2023-09-20
/documents/35297/43402/200923OficinaAceleraPyme.jpg?version=1.0&imagePreview=1
Lugo, 20 de setembro de 2023
O delegado territorial da Xunta en Lugo, Javier Arias, participou hoxe na posta en marcha da oficina Acelera Peme, que xestiona a Asociación de Enxeñeiros Industriais de Galicia en Lugo para mellorar a competitividade das empresas a través da transformación dixital.
O delegado gabou a iniciativa e destacou que complementa á rede de centros de apoio e asesoramento que a Xunta implantou na provincia a través dos Polos de Emprendemento ou do programa Conecta Lugo -este último en colaboración coa Confederación de Empresarios de Lugo-.
Neste senso, lembrou que achegar información “concreta e axustada a cada caso”, e ofrecer o “acompañamento axeitado”, incrementa a eficiencia dos recursos públicos dispoñibles.
Departamento:
C. de Presidencia, Xustiza e Deportes
Data de actualización: 20/09/2023