A Xunta recibe á entidade ‘Hogar sí’ para coñecer os seus programas de apoio ás persoas que peor o están a pasar
2023-09-19
/documents/35297/43402/230919+hogar+02c.jpg?version=1.0&imagePreview=1
Santiago de Compostela, 19 de setembro de 2023
O director xeral de Inclusión Social, Arturo Parrado, recibiu esta mañá á entidade Hogar Sí para coñecer os seus proxectos destinados a proporcionar unha vivenda as persoas que peor o están a pasar. En concreto, os representantes da entidade déronlle a coñecer o programa Vivendas para a recuperación da saúde.
O director xeral lembrou o compromiso da Xunta de Galicia coas persoas que peor o están a pasar, promovendo a súa vida autónoma e a busca de vivenda e emprego. Neste sentido, trasladoulle as liñas de colaboración que o Goberno galego ten en marcha para apoiar ao tecido social na posta en marcha programas e iniciativas destinadas a este mesmo obxectivo.
Departamento:
C. de Política Social e Igualdade
Data de actualización: 19/09/2023