Lorenzana resalta nun encontro con UPTA o papel dos autónomos na creación de riqueza e emprego
2023-09-11
/documents/35297/43399/20230911LorenzanaUPTA.jpg?version=1.0&imagePreview=1
Santiago de Compostela, 11 de setembro de 2023
A conselleira de Economía, Industria e Innovación, María Jesús Lorenzana, mantivo un encontro de traballo co presidente da Unión de Profesionales y Trabajadores Autónomos (UPTA), Eduardo Abad, no que resaltou o papel das persoas autónomas na creación de riqueza e emprego, en sectores clave para a economía galega como o do comercio de proximidade.
Na reunión tamén participaron representantes da asociación Emafega (Empresarios de Atraccións de Feira de Galicia). A conselleira tivo a oportunidade de escoitar as súas propostas e suxestións, en eidos como a simplificación e axilización das tramitacións que deben realizar ante os concellos, trasladándolles a máxima colaboración por parte da Administración autonómica.
Departamento:
C. de Economía e Industria
Data de actualización: 11/09/2023