A Xunta achega case 300.000 euros a 17 restaurantes e aloxamentos da cidade e comarca de Santiago para mellorar as súas instalacións
O delegado da Xunta explicou que con estas obras os aloxamentos e restaurantes poden mellorar a súa competitividade e ofrecer un mellor servizo aos seus clientes
O delegado da Xunta, Gonzalo Trenor, visitou hoxe a Brasería A Grella en Santiago de Compostela, un dos establecementos beneficiados pola orde de axudas da Axencia de Turismo de Galicia, dirixida a aloxamentos e restaurantes para mellorar as súas instalacións. O representante do Goberno autonómico informou que a Xunta concedeu axudas que suman case 300.000 euros a 17 establecementos de aloxamento e restauración da cidade e comarca de Santiago , que mobilizaron case 700.000 euros, para mellorar as súas instalacións.
Durante a visita, o representante autonómico destacou que “estamos ante un bo exemplo do apoio da Xunta á mellora das infraestruturas dun sector estratéxico como é o turismo nesta área”.
En total, as subvencións chegan a 17 restaurantes e aloxamentos situados nos concellos de Santiago de Compostela (10), Ames (2), Vedra (1), Teo (1), Ordes (1), O Pino (1) e Negreira (1).
O obxectivo principal destas axudas é incentivar a mellora das instalacións e infraestruturas destes establecementos co fin de consolidar unha oferta turística de calidade. As achegas cobren tanto obras de acondicionamento como a adquisición de equipamento ou mobiliario.
A Axencia de Turismo de Galicia contou para esta orde cun total no conxunto da comunidade de 3,5 millóns de euros, divididos en dúas liñas. Por unha banda, achegas para aloxamentos, cun importe de 2,6 millóns de euros, e por outra banda, para restauración con 788.000 euros.
Trenor puxo en valor o presente e o potencial do sector turístico en Galicia, que neste 2023 xa está superando as cifras de peregrinos, viaxeiros e de ocupación hoteleira rexistradas a estas alturas do ano pasado. Neste censo, apuntou que estes apoios aos aloxamentos e restaurantes son unha medida máis da Xunta para potenciar un sector estratéxico para Galicia.
O delegado da Xunta lembrou que o Executivo autonómico aposta por un turismo res-ponsable, sustentable e adaptado á vida diaria dos galegos. O modelo turístico de Gali-cia coincide coa que demandan os novos viaxeiros, como o demostran os datos do INE que nos primeiros sete meses do ano Galicia rexistra preto de 3,7 millóns de viaxeiros aloxados e máis de 6,8 millóns de noites no conxunto dos establecementos de aloxa-mento turístico, unha cifra de pernoitas nunca antes acadada en Galicia neste período. Estas datos se traducen nun incremento de 7,6 puntos respecto do ano récord pasado e de 7,2 respecto das noites
Segundo explicou Trenor, as cifras invitan a ser optimistas e a poder afirmar que Gali-cia está selando “un novo ano histórico” para o turismo.
ALOXAMENTOS
NOME COMERCIAL | CONCELLO ESTABLECEMENTO | TIPOLOXÍA ESTABLECEMENTO | OBXECTO | GASTO SUBVENCIONABLE | AXUDA |
NEST STYLE SANTIAGO | SANTIAGO DE COMPOSTELA | HOTEL 3 ESTRELAS | MELLORA HOTEL | 88.768,17 € | 44.384,09 € |
HOTEL QUINTA DA AUGA | SANTIAGO DE COMPOSTELA | HOTEL 4 ESTRELAS | HOTEL A QUINTA DA AUGA – COMPRA MOBILIARIO E MAQUINARIA | 99.125,78 € | 49.562,89 € |
CANAIMA | ORDES | HOTEL 1 ESTRELA | MELLORA DA INFRAESTRUTUTA DO ALOXAMENTO TURÍSTICO | 44.100,00 € | 17.640,00 € |
RÚA VILLAR | SANTIAGO DE COMPOSTELA | HOTEL 3 ESTRELLAS | ACOMETIDA DE REFORMAS Y EQUIPAMIENTOS PARA MELLORAR A CALIDADE DAS INSTALACIÓNS | 13.356,50 € | 5.342,60 € |
SAN LORENZO | SANTIAGO DE COMPOSTELA | HOTEL DE 3 ESTRELLAS | MELLORA Y MODERNIZACIÓN DAS INSTALACIÓNS DO HOTEL | 57.267,00 € | 22.906,80 € |
PAYRO | AMES | HOTEL RESIDENCIA 2 ESTRELLAS | RENOVACIÓN E MODERNIZACIÓN DAS INSTALACIÓNS | 6.923,14 € | 2.769,26 € |
EUROSTARS ARAGUANEY | SANTIAGO DE COMPOSTELA | HOTEL DE CINCO ESTRELLAS | RENOVACIÓN E MODERNIZACIÓN INSTALACIÓNS, ADQUISICIÓN MOBLES, INSTALACIÓN CÁMARAS VIDEOVIXILANCIA. | 71.556,13 € | 28.622,45 € |
HOTEL BELLO | O PINO | HOTEL DE UNA ESTRELLA | CAMBIO DE ASCENSOR | 98.754,09 € | 39.501,64 € |
SAN JOSÉ | NEGREIRA | ALBERGUE TURÍSTICO 2ª CATEGORIA | AMPLIACIÓN ALBERGUE TURÍSTICO | 24.273,36 € | 9.709,34 € |
MAPOULA | SANTIAGO DE COMPOSTELA | PENSÍÓN 3 ESTRELLAS | SUMINISTRO E INSTALACIÓN DE LED | 3.131,52 € | 1.252,61 € |
25 DE JULIO | SANTIAGO DE COMPOSTELA | PENSION 1 ESTRELA | ACTUACIÓNS DE RENOVACIÓN E MODERNIZACIÓN DO ESTABLECIMIENTO | 41.322,32 € | 16.528,93 € |
CONGRESO | TEO | HOTEL 4 ESTRELAS | RENOVACIÓN ESTABLECEMENTO | 73.570,00 € | 29.428,00 € |
12 | 622.148,01 € | 267.648,61 € |
NOME COMERCIAL | CONCELLO ESTABLECEMENTO | TIPOLOXÍA ESTABLECEMENTO | OBXECTO | GASTO SUBVENCIONABLE | AXUDA |
PAZO VISTA ALEGRE | VEDRA | RESTAURANTE | RENOVACIÓN TELLADO | 34.500,00 € | 13.800,00 € |
BODEGUILLA DE SAN LÁZARO | SANTIAGO DE COMPOSTELA | RESTAURANTE | MOBILIARIO COMEDOR | 4.181,41 € | 1.672,56 € |
A NOIESA | SANTIAGO DE COMPOSTELA | RESTAURANTE | EQUIPAMENTOS MOBLES NECESARIOS PARA O FUNCIONAMENTO DO ESTABLECEMENTO | 12.786,04 € | 5.114,42 € |
A GRELLA | SANTIAGO DE COMPOSTELA | RESTAURANTE | RENOVACIÓN E MODERNIZACIÓN DAS INSTALACIÓNS E EQUIPAMENTOS MOBLES | 19.808,03 € | 7.923,21 € |
A ROTONDA | AMES | RESTAURANTE | MODERNIZACIÓN DAS INSTALACIÓNS | 2.163,24 € | 865,30 € |
5 | 73.438,72 € | 29.375,4€ |