Tui, 28 de agosto de 2023

O conselleiro de Sanidade, Julio García Comesaña, visitou o pasado venres o centro de saúde de Tui. No transcurso da visita, na que estivo acompañado polo xerente da área sanitaria, Javier Puente; polo xefe de servizo, Santiago Posse; e pola directora de enfermería, Pilar Reza, o titular da carteira sanitaria do Executivo galego reuniuse con profesionais deste centro da rede do Sergas.

Na súa visita ao centro de saúde de Tui, que atende a unha poboación de máis de 18.400 persoas, das que máis de 2.200 están en idade pediátrica, o conselleiro agradeceu aos profesionais o traballo realizado nun momento tan difícil como o actual, como consecuencia do déficit de médicos de atención primaria que se está a dar no conxunto de España.

Este verán, os profesionais deste centro levan realizadas máis de 23.000 consultas no que vai de período estival, unha porcentaxe maior que no pasado ano, o que demostra o bo funcionamento do centro.