A Xunta salienta nun encontro con reitores universitarios a aposta polo talento como motor da economía verde e dixital
2023-08-10
/documents/35297/40807/20230810IgapeCrusoe.jpg?version=1.0&imagePreview=1
Santiago de Compostela, 10 de agosto de 2023
A directora do Igape, Covadonga Toca, mantivo recentemente un encontro con representantes da Conferencia de Reitores das Universidades do Suroeste Europeo (Crusoe) e do Cluster TIC e Audiovisual no que avaliaron, entre outros aspectos, os proxectos que están a desenvolver no eido do emprendemento e a innovación. Neste marco, durante a xuntanza Toca Carús puxo en valor a importancia da aposta polo talento como motor da economía do coñecemento, da economía verde e dixital.
Durante a reunión, os responsables de Crusoe trasladaron á directora do Igape as iniciativas que se están levando a cabo desde a Conferencia en materia de patrimonio cultural dixital e a posibilidade dunha aceleradora de startups neste campo.
Departamento:
C. de Economía e Industria
Data de actualización: 10/08/2023