O edificio administrativo da Xunta en Lugo acolle unha nova edición da mostra de artes plásticas e visuais Expoperegrina, que organiza a Asociación Cultural GAPAsturias e conta coa colaboración da Delegación Territorial.

O delegado territorial, Javier Arias, visitou hoxe a exposición, que reúne unha vintena de   obras vinculadas ao Camiño de Santiago, en especial ao Camiño Primitivo. A mostra itinerante chega a Lugo despois de iniciar o seu percorrido en Oviedo no mes de febreiro; permanecerá ata finais de agosto na Sala de Exposicións da Delegación e pode visitarse de luns a venres en horario de mañá.