A Xunta salienta o labor da Cámara de Comercio de Santiago como voceira dos intereses e necesidades das empresas de Compostela
Santiago de Compostela, 17 de xullo de 2023 O director xeral de Comercio e Consumo, Manuel Heredia, asistiu hoxe á sesión plenaria da Cámara de Comercio de Santiago, da que destacou o labor que realiza como voceira dos intereses e necesidades das empresas compostelás.
Na reunión, que se celebrou nas instalacións da empresa Trameve, Manuel Heredia apelou á colaboración entre a Administración autonómica e as Cámaras de Comercio para achegar ao tecido empresarial os servizos e apoios que precisa. Na súa intervención, referiuse, ademais, a Trameve como un verdadeiro exemplo, desde hai máis de 30 anos, do que significa a economía circular inclusiva.
Imaxes relacionadas
Departamento:
C. de Economía e Industria
Data de actualización: 17/07/2023
