A Xunta imparte en Boqueixón un curso para a formación de asesores sobre prevención de riscos laborais na apicultura
Este módulo enmárcase dentro do Programa de Desenvolvemento Rural de Galicia 2014-2020, para a formación de asesores co fin de ofrecer unha mellor atención á cidadanía
O curso abordou as medidas preventivas nos lugares de traballo, o manexo dos animais ou a manipulación de elementos químicos, entre outros
Impartiuse no Centro de Formación e Experimentación Agraria de Sergude, onde houbo diversas charlas informativas
A Consellería do Medio Rural, a través da Axencia Galega da Calidade Alimentaria, impartiu un módulo sobre prevención de riscos laborais na apicultura. Neste encontro que tivo lugar hoxe no Centro de Formación e Experimentación Agraria de Sergude (CEFEA), houbo varias charlas formativas orientadas a profesionais da Consellería co obxectivo de ofrecer unha mellor atención á cidadanía.
Este curso está enmarcado dentro do Programa de Desenvolvemento Rural de Galicia 2014-2020. Neste caso, o módulo tratou temas relacionados co manexo das abellas e as medidas preventivas nos labores relacionados coa apicultura, xa sexa cos equipos de traballo como no lugar de traballo.
Ademais, tamén se tratou o uso e manexo de elementos químicos, os primeiros auxilios e a vixilancia da saúde dos animais, entre outros temas. Estas charlas están recollidas no módulo que se especializa na prevención de riscos laborais durante as actividades apícolas.