A Xunta reafirma o seu apoio ás entidades do ámbito da discapacidade na XXV Convivencia Familiar de Special Olympics Galicia—Fademga
O Carballiño (Ourense), 2 de xullo de 2023 A directora xeral de Persoas con Discapacidade, Begoña Abeijón, reafirmou hoxe o apoio do Executivo autonómico ás entidades que traballan neste ámbito, por entender que son fundamentais para prestar unha atención especializada e adaptada ás necesidade de cada persoa. Fíxoo na XXV Convivencia Familiar de Persoas con Discapacidade Intelectual organizada por Special Olympics Galicia—Fademga.
O delegado territorial da Xunta en Ourense, Gabriel Alén, tamén participou neste evento que se desenvolveu no parque municipal do Carballiño e que reuniu a preto de un milleiro de persoas. A xuntanza foi un punto de encontro para usuarios das distintas entidades, profesionais e familiares, que compartiron unha xornada de carácter festivo.
Imaxes relacionadas
