A delegada territorial da Xunta en Ferrol, Martina Aneiros, visitou esta mañá a sede da empresa CT Ingenieros, no polígono industrial da Gándara, en Narón, unha multinacional española dedicada á realización de proxectos vinculados á aeronáutica, defensa, automoción, sector naval e industrial, entre outros.

A firma emprega actualmente a 100 enxeñeiros en Ferrolterra e conta con concertos coa FP Dual e a UDC. Aneiros tivo ocasión de coñecer as instalacións e os principais proxectos que esta a desenvolver a empresa que actualmente participa no programa das fragatas F-110.