Santiago de Compostela, 8 de maio de 2023 A Xunta de Galicia prevé ingresar a partir da vindeira semana aos Concellos o anticipo do Plan Concertado deste ano, que se corresponde co 50% do importe adxudicado no exercicio 2022. O montante total que se aboará neste anticipo é de 6,8 millóns de euros e xa se lle notificou aos entes locais. 

A maior parte dos fondos do Plan Concertado están dirixidos á contratación de traballadores sociais, educadores sociais e outras categorías que forman parte do persoal dos servizos sociais comunitarios dos concellos. Así mesmo, este plan serve para apoiar ás corporacións municipais no desenvolvemento de programas de inclusión e no mantemento de centros de emerxencia social.