Os traballos de formigonado para seguir progresando nas obras do treito da autovía Tui-A Guarda entre os enlaces da A-55 e do polígono de Areas, farán preciso un corte nocturno do xoves ao venres desta semana.

Esta afección ao tráfico, no treito comprendido entre os puntos quilométricos 29+100 e 30+600 da autovía A-55, é necesaria para realizar eses labores de formigonado nos dous vanos do paso superior en forma de glorieta sobre a autovía, no tronco da vía de alta capacidade e na conexión coa estrada N-551.

Deste xeito, para efectuar estes traballos nas condicións de seguridade necesarias tanto para os traballadores como para os usuarios desta vía, realizarase o corte total de ambas as calzadas da autovía entre as 22:00 horas deste vindeiro xoves 27 de abril e ata as 05:59 horas do venres 268, cando quedará restablecida a circulación.

Co obxectivo de dar servizo a ambos os sentidos de circulación polo itinerario alternativo, desde a saída 29 da A-55, en sentido Portugal, usarase a estrada autonómica PO-340, incorporándose á N-550 e posteriormente á N-551, discorrendo polo termo municipal de Tui; sendo o mesmo percorrido en sentido O Porriño, pero á inversa. Este itinerario implica un tempo de percorrido de entre 8 e 10 minutos.

Tamén para seguir avanzando nos traballos en execución no taboleiro, ao logo desta semana estará en funcionamento o transfer desde o quilómetro 29+860 a 30+240. En concreto, entre o luns e ata ao xoves, entre as 8 de a mañá e as 7 da tarde, e o venres, desde as 8 á 1 da mediodía, habilitándose nalgún casos cortes de carril alternos cando o transfer non estea en funcionamento. 

A autovía Tui-A Guarda, entre os enlaces da A-55 e Areas, prevese poñer en servizo a finais do verán, cun investimento autonómico que se eleva a 30 M€.