A Xunta anuncia a firmeza do acordo da concentración parcelaria de Vilatuxe, en Lalín
Desta forma, dáse un paso máis cara á finalización desta reorganización territorial, xa que só queda pendente aprobar a acta de reorganización, o que suporá o remate administrativo deste proceso
O perímetro abarca unha superficie de 911 hectáreas, quedando reducidas as 4.445 parcelas achegadas a 1.229 predios de substitución
Santiago de Compostela, 26 de marzo de 2023
A Consellería do Medio Rural, vén de declarar a firmeza da zona de concentración parcelaria de Vilatuxe, no concello pontevedrés de Lalín. Desta forma, dáse un paso máis cara á finalización desta reorganización territorial, xa que só queda pendente aprobar a acta de reorganización, o que suporá o remate administrativo deste proceso, que quedará finalmente terminado coa posterior entrega de títulos de propiedade.
O perímetro da zona de Vilatuxe abarca unha superficie de 911 hectáreas, distribuídas en 4.445 parcelas achegadas ao proceso por un total de 515 propietarios, resultando un total de 1.229 leiras de substitución cunha superficie media por leira de 7.158 m2 fronte aos 2.050 m2 de superficie media das parcelas achegadas.