A directora de Turismo de Galicia, Nava Castro, participou na presentación da XIV Xornadas da Camelia que terán lugar hoxe e mañá no Auditorio Municipal de Salceda de Caselas, onde salientou a labor que os cultivadores galegos da camelia están a realizar para darlle visibilidade ao potencial turístico deste recurso na nosa Comunidade.

Grazas a esta iniciativa, os participantes teñen a oportunidade de visitar tres xardíns que contan coa certificación de Excelencia Internacional. En primeiro lugar, o Pazo Quinteiro da Cruz, seguido do Castelo de Soutomaior e, para rematar, unha visita ao Pazo de Rubiáns.