A Xunta aposta polo termalismo para reforzar a imaxe de Galicia como destino de calidade
A directora de Turismo de Galicia, Nava Castro, participou na presentación do libro Termalismo no oeste da Península Ibérica
2023-03-08
/documents/35297/40543/NAVA+CASTRO+LIBRO+CALDAS-3.jpg?version=1.0&imagePreview=1
Caldas de Reis, 8 de marzo de 2023
A directora de Turismo de Galicia, Nava Castro, participou hoxe na presentación do libro Termalismo en el oeste de la Península Ibérica, onde destacou a aposta da Xunta polo termalismo para reforzar a imaxe de Galicia como destino de calidade.
Durante a súa intervención, Nava Castro fixo fincapé na tradición que ten este sector na nosa comunidade, grazas ao que Galicia esta considerada como un dos principais destinos termais de España e tamén no eido internacional, xa que é o segundo lugar de Europa con maiores reservas de augas mineromedicinais, ao contar con máis de 300.
Neste senso, Nava Castro destacou a aposta feita dende o Goberno galego polo termalismo, poñendo como exemplo a creación dun área de Turismo Termal en Ourense, mediante a que se diversificará o sector para atraer novos segmentos de poboación, se promoverá a integración do termalismo galego en proxectos europeos de turismo de saúde e se creará unha marca propia que identifique o turismo termal galego.
Departamento:
Axencia de Turismo de Galicia
Data de actualización: 08/03/2023