A Consellería do Medio Rural informa de que un incendio forestal no concello ourensán de Cualedro, parroquia de San Millao, quedou extinguido ás 18,54 h.

O lume, que entrou desde Portugal, iniciouse ás 12,00 h de hoxe. e segundo as últimas medicións, afectou 19,56 hectáreas de monte raso dentro do territorio galego. En total, mobilizáronse para o seu control 3 axentes, 9 brigadas, 2 motobombas, 2 avións e 2 helicópteros.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.