Arias visita a unidade móbil do programa ‘Coidados porta a porta’ en Folgoso do Courel
O delegado territorial da Xunta en Lugo, Javier Arias, achegouse hoxe ata a unidade móbil do programa Coidados porta a porta da Consellería de Política Social e Xuventude, que remata a súa estadía en Folgoso do Courel. Arias informou de que as próximas paradas na provincia serán en Quiroga (desde mañá ata o martes) e Monforte de Lemos (desde o luns ata o mércores día 8).
A unidade móbil percorre todos os concellos lucenses, excepto o da capital, e ofrece consultas de audioloxía, podoloxía e estimulación da memoria ás persoas maiores de 55 anos, con cita previa e de xeito gratuíto. No conxunto de Galicia, atendeu a máis de 35.000 persoas durante o último ano.
A cita pode solicitarse nos teléfonos 622 748 283 - 623 546 992 ou no correo electrónico coidadosportaaporta.politicasocial@xunta.gal.