A Xunta vai recorrer contra a decisión do Goberno central de oficializar o topónimo Ría do Eo ante o Tribunal Superior de Xustiza de Madrid
Rueda explica que se presenta para que só sexa oficial a denominación ‘Ría de Ribadeo’, “o topónimo que se empregou sempre historicamente”
Argumenta que conta con “séculos de antiguidade” e cambialo vulnerla a Lei que salvagarda o patrimonio cultural inmaterial
Apunta que a Comisión de Toponimia de Galicia alerta de que esta decisión contradí informes oficiais da Comisión Especializada de Nomes Xeográficos
Salienta que a Xunta conta co apoio neste recurso de organismos, como a RAG, o Consello da Cultura Galega ou expertos da Universidade de Santiago
O presidente da Xunta, Alfonso Rueda, anunciou hoxe que o Goberno galego vai recorrer ante a Xustiza a decisión do Executivo central de darlle carácter oficial á denominación ‘Ría do Eo’ para designar a ría en que desemboca ese río. Consecuentemente, argumentou que se defende que só teña oficialidade o topónimo ‘Ría de Ribadeo’, por ser o que “se empregou sempre historicamente” e tratarse dun “topónimo con séculos de antigüidade”, avalou.
“Non estamos sós”, aseverou o mandatario galego, quen refrendou o apoio do Goberno galego a este topónimo ao feito de que tamén outros organismos están a defender a oficialidade en exclusiva do topónimo Ría de Ribadeo e citou o concello desta localidade lucense, a Deputación de Lugo, a Real Academia Galega, o Consello da Cultura Galega ou expertos da Universidade de Santiago.