A Consellería do Medio Rural informa de que o incendio forestal do concello ourensán da Gudiña, parroquia de Barxa, quedou extinguido ás 16,59 h. de hoxe.

O lume iniciouse ás 18,52 h. de onte. Segundo as últimas medicións, afectou unha superficie de 25 hectáreas, todas elas de monte raso. Para a súa extinción, mobilizáronse en total 4 axentes, 8 brigadas, 4 motobombas e 1 helicóptero.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.