Activo un incendio forestal rexistrado na parroquia de Barxa, na Gudiña (Ourense)
Segundo as últimas medicións, o lume afecta unha superficie provisional de 24 hectáreas
Santiago de Compostela, 20 de febreiro de 2023 A Consellería do Medio Rural informa dun incendio forestal activo arestora no concello ourensán da Gudiña, parroquia de Barxa.
O lume iniciouse ás 18,52 h. de onte e permanece activo. Segundo as últimas medicións, afecta unha superficie provisional de 24 hectáreas. Polo de agora, mobilizáronse para o seu control 3 axentes, 7 brigadas, 4 motobombas e 1 helicóptero.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085.
Así mesmo, toda a información actualizada sobre incendios forestais poderá ser consultada na conta aberta de twitter: @incendios085.
Departamento:
C. do Medio Rural
Data de actualización: 20/02/2023
