O secretario xeral da Emigración, Antonio Rodríguez Miranda, presidiu, nas últimas horas, no Centro Gallego de Montevideo, acompañado da delegada da Xunta no Uruguai, Elvira Domínguez, o acto de entrega de Compostelas e diplomas aos case 30 participantes nos programas Conecta e Reencontros co Xacobeo 2022.

Deste xeito, a Xunta entregou 12 compostelas aos participantes do programa Conecta co Xacobeo que realizaron o pasado outono 100 quilómetros durante unha semana a través dos camiños Portugués e a Vía da Prata. Este programa permitiu que galegos menores de 65 relacionados con entidades do exterior de diversos países do mundo, entre eles, Uruguai, puideran realizar esta peregrinación, converténdose en embaixadores do Camiño de Santiago, para así animar posteriormente aos cidadáns dos seus países de residencia a realizar a peregrinación a Compostela.

Tamén se entregaron diplomas acreditativos aos 13 participantes no programa Reencontros co Xacobeo do ano pasado, procedentes do Uruguai. Neste caso, trátase de maiores de 65 anos que realizaron pequenos tramos do Camiño coa mesma finalidade que no caso dos Conecta.

Miranda agradeceu aos participantes o seu interese por coñecer a peregrinaxe a Compostela e “trasladar a súa beleza e a intensidade desta experiencia entre los galegos residentes en Uruguai e tamén entre a ciudadanía deste país”.