A Xunta reúnese con viticultores en Salvaterra de Miño para traballar nas medidas fronte á flavescencia dourada da vide
O director xeral de Gandaría, Agricultura e Industrias Agroalimentarias, José Balseiros, vén de reunirse en Salvaterra con viticultores da denominación de orixe Rías Baixas para informalos das medidas que se están a tomar fronte a este organismo
Salvaterra de Miño (Pontevedra), 9 de febreiro de 2023 O director xeral de Gandaría, Agricultura e Industrias Agroalimentarias, José Balseiros, reuniuse hoxe no concello de Salvaterra do Miño con viticultores da denominación de orixe Rías Baixas, para falar das medidas da Xunta fronte á Flavescencia Dourada da vide, que lles afectan ao estar situados na zona demarcada establecida para combater o organismo Grapevine flavescence dorée phytoplasma.
Antes de en Galicia, a doenza xa fora detectada en Portugal nas zonas máis próximas á comunidade. Aquí apareceu en plantas illadas nos concellos de Arbo, Crecente e As Neves, na provincia de Pontevedra e en Padrenda, en Ourense. Con todo, a zona demarcada esténdese tamén a parcelas da Cañiza, Salvaterra de Miño, Salceda de Caselas, Tui e Tomiño.