A Xunta continuará mañá a renovación do firme na autovía do Barbanza, que fará necesarios cortes de carrís
Estas tarefas, que se desenvolverán os vindeiros días entre as 8 e as 18 horas, teñen como obxectivo garantir a conservación desta estrada e a seguridade viaria
Mañá intervirase entre os puntos quilométricos 31+645 e 31+853, na calzada dereita, o que suporá un corte de carril; e o mércores, entre os enlaces de Palmeira e Ribeira
O xoves actuarase no ramal sentido Padrón do enlace de Palmeira, que estará cortado ao tráfico; e o venres entre os puntos 25+930 e 29+337, na calzada esquerda
A comezos de outubro prevense traballos nos ramais de Boiro Espiñeira e Catoira na calzada esquerda
Santiago de Compostela, 23 de setembro de 2024
A Xunta continuará mañá a renovación do firme na autovía do Barbanza, que fará necesarios cortes de carrís.
Estas tarefas, que se desenvolverán os vindeiros días entre as 8 e as 18 horas, teñen como obxectivo garantir a conservación desta estrada e contribuír ao reforzo da seguridade viaria.
No día de mañá intervirase no treito comprendido entre os puntos quilométricos 31+645 e 31+853, na calzada dereita ,o que implicará só un corte de carril.
O mércores traballarase entre os puntos quilométricos 39+875 e 40+020, na calzada dereita, para o que será necesario o corte desa calzada entre os enlaces de Palmeira e Ribeira.
Na xornada do xoves os traballos acometeranse no ramal de acceso sentido Padrón do enlace de Palmeira, que estará cortado ao tráfico.
No caso do venres, traballarase entre os puntos quilométricos 25+930 e 29+337, na calzada esquerda, o que suporá só un corte de carril.
A comezos de outubro traballarase nos ramais de Boiro Espiñeira e Catoira na calzada esquerda, e continuarase no tronco con fresados e reposicións, pero desde a contorna do punto quilométrico 8+500.
