Arias destaca o labor de Raiolas no primeiro centro de día para persoas con trastorno do espectro autista de Lugo
2024-09-17
/documents/35297/1449676/170924+Reuni%C3%B3n+Raiolas.jpg?version=1.0&imagePreview=1
Lugo, 17 de setembro de 2024
O delegado territorial da Xunta en Lugo, Javier Arias, destacou hoxe o importante labor que realiza a asociación Raiolas. Durante unha xuntanza coa súa presidenta, Inés Flores, subliñou especialmente a apertura do primeiro centro de día para persoas con trastorno autista que se pon en marcha na provincia, que se inaugurará oficialmente o vindeiro sábado.
A Xunta colaborou economicamente coa entidade no acondicionamento das instalacións, situadas nun edificio do Campus universitario que estaba en desuso, e tamén contribúe ao seu funcionamento concertando prazas e financiando diversos programas e servizos.
Departamento:
C. de Política Social e Igualdade
Data de actualización: 17/09/2024