Extinguido o incendio forestal do concello pontevedrés de Crecente, parroquia de Filgueira
O lume iniciouse ás 23.27 horas de onte, día 29, e finalmente afectou unha superficie de 30 hectáreas de arborado
Santiago de Compostela, 30 de agosto de 2024
A Consellería do Medio Rural informa de que o incendio do concello pontevedrés de Crecente, parroquia de Filgueira, quedou extinguido ás 14.48 horas de hoxe.
O lume iniciouse ás 23.27 horas de onte, día 29, e finalmente afectou unha superficie de 30 hectáreas de monte arborado. Para a súa extinción mobilizáronse 1 técnico, 12 axentes, 18 brigadas, 18 motobombas e 3 pas.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais que acadan as 20 hectáreas poderá ser consultada na conta aberta de twitter: @incendios085.